莫家淦笑拍檔係浪子

東方日報
·1 分鐘文章

藝人莫家淦是樂宜男友黃俊輝的生意拍檔,昨日接受電話訪問時表示,是從男方的社交網才得知他認愛樂宜一事:「冇追問,通常佢肯講,我就聽,冇特別主動了解。(之前佢有冇帶過女友出嚟見面?)我就冇見過,尤其近排疫情關係,我哋都少食飯聚會,多數返公司開會先見,唔會帶女友。(佢有冇提過想結婚?)結婚呢個話題我哋冇談及過,因為佢比較浪子,所以正常嚟講,我覺得佢應該未咁快結婚嘅。」但亦為他們拍拖送上祝福:「若果真係嘅就祝佢幸福快樂。」講到生意合作方面,他表示與拍檔主要透過網絡聯繫,並指眼鏡店生意目前仍在防守階段,最近在銅鑼灣開設限定店,生意尚算穩定。

至於關楚耀對於老友蜜運中,他說:「佢哋係咪拍拖、結婚嘅嘢,我真係唔清楚,我都好耐冇見阿輝。(聽聞佢哋好事近?)假如老友真係結婚,當然會恭喜佢!」