華裔女加拿大登山拗柴被同伴遺棄不理 同行者有另一版本

19+

 

溫哥華最近發生一宗登山「羅生門」。

一名27歲華裔女子,喺微信群組認識4名登山伙伴,

並約好星期日由Lynn Headwaters出發,到Coliseum Mountain Trail 遠足。

呢條路徑難度唔低,來回要10小時,沿途高度差距有1200米。

 

落山時,該名女子體力不繼,更加扭傷腳。

其中3人先行下山,剩低「領隊」陪伴嗰位女子,

但不久之後,「領隊」亦在離終點6公里一處,撇下事主一個人。

當時已經天黑。

 

好在3個鐘頭後,有個路經嘅青年Alex,冇掂行掂過,

扶住女事主行落山,直到一處有手機訊號,佢地先可以致電求救。

救援人員替女事主包紮同協助落山,好在傷勢冇大礙。

救援隊嘅隊長鬧爆分批走人嘅同行者,話佢做咗呢份工40年,

未見過有人會丟低隊友唔理。

隊長喺山腳見返呢班人,教訓咗佢地一餐,

但係覺得佢地唔知件事有幾嚴重,亦唔想負責。

當件事揚咗之後,有人喺微信上回應,講出事件另一版本。

呢個post提到,事主嘅衣著完全唔適合登山,

而呢點係救援隊長都有講嘅。

因為咁,同行者叫佢唔好行,但係事主話自己有本事行,唔會拖慢大家。

到拗柴之後,女子唔願行,叫領隊先落山,仲話會打電話求救。

原post話冇人唔理佢,而且自己要負責任,就係起步前就勸退嗰位女子。

 

齊上齊落?原來唔易架。

原文傳送門

你可能還想看