華記證實被新加坡扣起護照 要求網友低調

19+

 

之前講起支持警察嘅「華記茶餐廳」老闆楊官華(華記)喺新加坡有麻煩,

懷疑因為喺一個聚會上談論香港情況,觸犯當地法例而要滯留。

 

 

尋日截稿之後,華記不足一日內出咗2條片交代情況。

第一條似乎係喺海邊拍嘅,係講事情原由。

華記話10月中到新加坡尋找商機,希望在當地投資開餐廳及房地產。

佢話行程當中「出於禮貌出席餐廳聚會同人影相」,點知俾人設局,

「同時有人舉報警局……原來就會犯了擾亂公眾秩序罪行」,

結果俾當地警方扣起護照。

不過佢都話尊重新加坡法例,接受警方調查。

華記強調自己唔識政治,亦唔係政治人,而家嘅處境只可以逆來順受。

佢已經作最壞打算,可能要面對幾年牢獄之苦。

 

而第二條嘅背景似係酒店房,華記話唔會搵中國領事館求助,

相信新加坡政府同警察,希望唔好令事件政治化,

支持者如果想幫手的話,最好低調啲。

咦,但係好多人留言話要email俾新加坡政府要求放人喎,

仲做埋圖添?

撐華記嘅,跟邊便好呢?

你可能還想看