萬事總有代價

【星島日報報道】睇見香港快運搞成咁，立即令我回想起N年前讀大學經濟科，鬼佬教授第一堂開口，就聲大大講：「Ladies and Gentlemen, there is nothing free in this world, except mountain fresh air. Everything has a price！」意思簡單不過，三歲細蚊仔都懂——要獲得，就要付出！因這世界沒有免費午餐，凡事總有代價。這個代價，未必是金錢咁低層次，更包括時間、感情、關愛、犧牲、鼓勵……道理其實非常簡單，但人總有貪念，所以，不少貪便宜者，總希望「又要馬兒好，又要馬兒不吃草」，老闆如是，打工仔如是，消費者更多也如是。老友，快餐店價錢，豈能有鼎爺炮製的水準呀？ 今日小弟好似好長氣，其實，只想道出，我決定不選擇幫襯廉航之因。兩年前，坐過兩次，夠 ，以後寧願畀多 錢，都選擇國泰、星航、日航，甚至中華航空，因為，坐廉航慳回來的，對比付出，三個字——唔划算！ 眾所周知，廉航有幾大缺點，貪平者應知： 一、航班時間怪雞，周不時，凌晨起飛，又或凌晨抵達，人在此時，恍似電影《白夜追兇》中的阿爾栢仙奴，精神處於恍惚狀態，點享受？ 二、停泊機位特差。好的停泊位，一定畀國家航空公司或大型公司霸晒，廉航客要走到冇雷公咁遠上落機，非常大「二等公民」的不快感。 三、飛機殘舊。呢呢，小弟正坐過少少爛椅的廉航 。公司買入舊機後，慳得就慳，連椅都唔修補即飛，搵得幾多得幾多，用到盡。 以上三項，加埋冇餐飲服務，其實都預 ，未算 命。最杰，廉航通常只得一班機飛一條 ，有乜頭暈身 ，死！立即跪低。你坐正，真真唔好彩，若趕返工或有重要約會，損失將極慘重。此外，滯留外地時，更要食自己，老友，慳 一千幾百元為乜？值嗎？ 阿碌開咪 曾智華 專欄