《萬千星輝2020》黃智雯成視后大熱門 被讚演活「學者症候群」Madam G

《萬千星輝頒獎典禮》黃智雯成視后大熱門 被獲讚演活「學者症候群」Madam G

一年一度嘅《萬千星輝頒獎典禮》將於星期日(10日)舉行,早前無綫已經公佈咗各個獎項嘅提名名單,而黃智雯(Mandy)憑《使徒行者3》嘅Madam G,與龔嘉欣及蔡思貝齊齊成為視后大熱門人選。

黃智雯今次喺《使徒行者3》中飾演情報科總督察章紀孜(Madam G),係患有亞氏保加症及學者症候群嘅人,雖然記憶力驚人及有好好嘅判斷能力,但就唔係好識表達情感,個人仲奇奇怪怪。呢個角色可以話相當考演技,例如當佢知道家姐(康華飾)一直協助大奸角魏德禮(馬國明飾)做大數據操控工作,並唔係佢心目中諗嘅好人時,佢選擇粒聲唔出,封閉自己。唔少人睇完黃智雯嘅演出後,紛紛留言佢大讚佢演活角色、拿捏得好好及有深度等等。

2007年參選港姐嘅黃智雯,可惜最終五強止步。喺入行初期,Mandy經常飾演一啲唔起眼嘅角色,直至《巴不得爸爸...》飾演蘇鳳蓮開始備受關注。之後,佢嘅戲份越嚟越多,觀眾對佢評價亦都越嚟越好。多年嚟,佢飾演過唔少經典角色,例如《缺宅男女》關二嫂、《搜下留情》鵪鶉妹、《On Call 36小時》洪美雪、《三個女人一個「因」》方以因及《降魔的》莊芷若等等。2018年憑方以因一角勇奪「馬來西亞最喜愛女主角」及「新加坡最喜愛女主角」,成為星馬雙料視后。唔知今年佢有冇機會憑《使徒行者3》Madam G一角問鼎今屆視后寶座呢?

《使徒行者3》劇照
《使徒行者3》劇照
《使徒行者3》劇照
《使徒行者3》劇照
《使徒行者3》劇照
《使徒行者3》劇照
黃智雯
黃智雯
黃智雯
黃智雯
黃智雯
黃智雯

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!