【萬千星輝2020】龔嘉欣高海寧爭視后 最大對手有呢幾個!

·3 分鐘文章
【萬千星輝2020】王浩信爭視帝 隱憂同演技無關?譚俊彥成黑馬 甘草有望跑出
【萬千星輝2020】王浩信爭視帝 隱憂同演技無關?譚俊彥成黑馬 甘草有望跑出

【萬千星輝頒獎典禮2020】今個星期日舉行,視后之爭似乎比視帝平淡,因為18個候選女藝員之中,最大機會嘅得呢5位比較唔似陪跑,又或者係資歷夠問鼎寶座。邊5個?立即數!

高海寧《反黑路人甲》

高海寧
高海寧

今年有幾個月時間連續4套劇都有高LING份,我地幾個月前亦都分析過佢嘅贏面。(連結)但係傳出高LING封后嘅風向之後,似乎網民唔多buy。而且提名作品係《反黑路人甲》,表現雖然有進步但戲份被幾個女角攤薄,有隱憂。如果計今年高LING最好睇嘅演出,一定係內地都市劇《三十而已》客串嗰短短幾場戲。

龔嘉欣《殺手》

【萬千星輝2020】龔嘉欣高海寧爭視后 最大對手有呢幾個!
【萬千星輝2020】龔嘉欣高海寧爭視后 最大對手有呢幾個!

傳完高LING捧獎之後,又有傳言話龔嘉欣先係視后大熱。今年TVB嘅提名好有趣,入圍者最大贏面嘅作品多數冇份,除非今年得一套劇啦!龔嘉欣喺年頭《大醬園》做反派,又或者年尾《香港愛情故事》嘅港女,都比起而家入圍嘅《殺手》易蘭一角更好睇,論爭獎前兩套嘅演出更有說服力。呢一點可能會係嘉欣未能封后嘅致命傷。

李施嬅《法證先鋒IV》

【萬千星輝2020】龔嘉欣高海寧爭視后 最大對手有呢幾個!
【萬千星輝2020】龔嘉欣高海寧爭視后 最大對手有呢幾個!

呢5位當中,入行年資最長嘅就係李施嬅。舊年憑《金宵大廈》成為大熱,但係對手係惠英紅當然係雖敗猶榮。而家李施嬅簽返邵氏,算係半個親生女,加上《法證先鋒IV》收視超好,睇落贏面唔細,只可惜《法證》系列向來難以令演員有發揮空間。即使今屆唔得,今年仲有《金宵大廈2》補飛。

張曦雯《木棘證人》

【萬千星輝2020】龔嘉欣高海寧爭視后 最大對手有呢幾個!
【萬千星輝2020】龔嘉欣高海寧爭視后 最大對手有呢幾個!

喺視帝分析將《木棘證人》嘅韋家雄同羅子溢放喺「值得一提」名單之上,因為機會唔大但值得一讚。會放張曦雯入5強,因為1)明顯TVB捧緊;2)《木》嘅表現真係會睇到觀眾心動,喺天台同羅子溢表白嗰場睇到心心眼。不過年資尚淺,慢慢嚟。

蔡思貝《踩過界II》

【萬千星輝2020】龔嘉欣高海寧爭視后 最大對手有呢幾個!
【萬千星輝2020】龔嘉欣高海寧爭視后 最大對手有呢幾個!

上集已經拎到「最受歡迎電視女角色」,今次癲姐唔止一味粗魯,角色際遇更多變化,蔡思貝嘅表現比第一集更好睇。5個人當中,論資歷只係勝過張曦雯,但係論表現論戲份思貝拎視后最合理。似乎今年會係蔡思貝、高海寧同龔嘉欣三揀一嘞。

【相關搜尋】龔嘉欣曬喱士睡衣照

【相關搜尋】龔嘉欣入行13年首度提名視后