萬聖節想Cosplay《魷魚遊戲》角色?內地購物平台已禁止搜尋相關產品

·2 分鐘文章
《魷魚遊戲》
《魷魚遊戲》

Netflix原創劇《魷魚遊戲》喺世界各地掀起熱潮,唔少人相信劇中角色嘅造型係今年萬聖節cosplay熱門主題之一!雖然內地未有批准劇集播放,不過早前有唔少內地購物網站商家睇中呢股熱潮,出售仿製嘅劇集造型服飾。正當大家估呢班商家會賺到笑嘅時候,內地購物網站淘寶及京東已經搜尋唔到《魷魚遊戲》相關嘅產品。

早前有報道指內地各大平台已經禁止「魷魚遊戲」呢個關鍵字,不過相關部門就冇作出正面交代。有評論就認為係同韓國當局及Netflix分別向中方投訴《魷魚遊戲》喺內地被嚴重侵權有關。

內地購物網站有限制,不過網民們為咗search到《魷魚遊戲》嘅相關產品,佢哋會嘗試唔同嘅關鍵字,例如「魷魚服裝」、「游魚遊戲」及「韓國椏糖」等等,不過搜尋到嘅商品唔多,之後少數會搵到《魷魚遊戲》參加者嘅綠色運動服及工作人員嘅紅色制服,但產品都會顯示「暫不支持配送」。

另外,歐美都有學校禁止學生喺萬聖節裝扮《魷魚遊戲》嘅相關服飾,原因係學校擔心劇中嘅暴力行為有機會造成模仿風氣,及可能會為學生帶嚟負面影響。

Netflix原創韓劇《魷魚遊戲》
Netflix原創韓劇《魷魚遊戲》
內地購物網站無法搜尋《魷魚遊戲》相關產品
內地購物網站無法搜尋《魷魚遊戲》相關產品
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能