葉念琛宣佈曾樂彤接棒成新一代「阿寶」 歷代阿寶有影后級人馬？

導演葉念琛喺2006年搵嚟鄧麗欣（Stephy）飾演愛情電影《獨家試愛》女主角「阿寶」一角，之後喺其後系列中，即使故事唔同，但鄧麗欣（Stephy）仍然扮演阿寶一角，直至2016年鄧麗欣與方力申分手，鄧麗欣所飾演嘅阿寶就以一套《失戀日》作結。早前葉念琛喺IG上載新戲《分手專家》女主角「阿寶」嘅背影照大賣關子；不過喺前日（14日）佢就PO出阿寶嘅「真身」就係曾樂彤。

曾樂彤亦喺IG分享劇本與造型照，表示：「開鏡大吉，多多指教」，仲#hastag角色名為「鍾家寶」；對於曾樂彤成為新一任阿寶，網民就分成兩派，一派表示支持期待，另一派則認為曾樂彤根本唔適合：「第一眼唔順眼，似超鍾意搞是非既女人」、「揾件試當真都好過佢」、「好失望，竟然會用個咁冇觀眾緣既人演阿寶，今次呢個真係最冇說服力」等等。

葉念琛嘅電影中，幾乎都有一個女角色叫「阿寶」，包括鄧麗欣、楊焉、佘詩曼、周秀娜、劉心悠、陳喬恩、陳嘉寶、蔣家旻、王菀之、蘇麗珊、劉嘉玲、李靖筠、惠英紅、唐詩詠等等都飾演過。有指葉念琛鍾情「阿寶」喺因為阿寶係佢中學時期暗戀對象、甚至初戀情人，但葉念琛後嚟接受訪問時就表示大家都誤會晒，指自己無初戀情人叫阿寶：「我其實是好懶改名的，用開這個名就照用，我覺得幾代表到女性的特質，加上拍了這麼多年，這樣統一，不知不覺成為了我作品其中一個特質。」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！