葉璇大爆曾被苑瓊丹欺負 再爆男星因演技差被導演刪戲

葉璇近年喺網絡上頻頻玩踢爆，爆出唔少娛圈嘅秘密。近日佢作客內地綜藝節目《辣媽學院》，期間佢又再次爆料啦！

喺節目中，佢提及當年獲得《國際中華小姐》冠軍後入行，之後佢開始參與劇集拍攝，當時佢嘅演技仲係有待改善。而佢同1999年港姐季軍胡杏兒非常老友，佢哋係閒談間講到曾被前輩欺負，之後佢哋當時異口同聲講出呢位前輩就係苑瓊丹。而家葉璇就話覺得苑瓊丹無錯，因為苑瓊丹嘅嚴苛令佢成長好多，當時自己層次唔夠。之後，佢拍《紫釵奇緣》時更請來苑瓊丹演出，飾演林峯嘅媽媽。

另外，葉璇亦爆出圈中曾有一位男明星因為演技差的關係，而遭到導演刪戲，而家呢位男星已經係一線位置，佢話：「當時一齣戲我是女主角，第三男主角現在已經很有名了。他當時第一次演戲，然後他就不會演，本來他還要跟我結婚甚麼劇情，就被導演都刪掉了！沒辦法，因為沒辦法這個行業就是獻醜不如藏拙，你演得不好那就少獻醜一點。」

當時主持人都有問葉璇係邊個，不過佢就冇回答。唔少網問都估係邊個，大家都估好可能係霍建華，因為佢哋當年拍劇集《天下第一》時，霍建華就係第三男主角，而家又係一線男星。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！