【疫市優惠】一文睇盡最著數商場App儲分 消費100%回贈/1折換酒店Staycation

疫情開始放緩，各大商場紛紛推出優惠刺激消費，大家購物前可以先留意商場會員App優惠，可能會有不同著數！Yahoo格價專員搜集最抵商場會員優惠，做member可以儲積分當錢用，消費仲可以全數回贈！

1. $1買$100電子現金券 Lee Gardens

入會形式：下載商場App，會員每消費$1＝1分
優惠獎賞：匯豐信用卡$1買$50/$100電子現金券

相信銅鑼灣返工的朋友，可能會經常去利園Shopping或食飯！利園會員適用於利園區旗下商場，包括利園一至六期、希慎廣場、利舞臺、禮頓中心、希慎道一號，免費登記會員後有優惠可以使用，消費$1可獲1分，可換領不同禮品。而部分商店會有折扣優惠，上班族去利園食Lunch，可以用到會員的餐廳優惠，也算十分實用！

另今次重點的獎賞，需憑合資格匯豐信用卡，於推廣期逢星期五、六、日即可以港幣1元優惠價可換$50/$100商戶電子現金券，相信會被秒速搶光！

推廣期：即日至8月30日

2. $800換$150優惠券 時代廣場Time Square

入會形式：網上登記入會
優惠獎賞：滿$800可換兩張$50購物優惠券＋$50美食優惠券，星期四雙倍優惠券！

大家去時代廣場以電子消費滿$800，可換領指定$50購物優惠券兩張及$50美食優惠券乙張；逢星期四可獲雙倍優惠券獎賞！而即日買滿$5,000可同時額外換領$300優惠券2張，但優惠券需消費才可以使用，可能也會令你買得更多，始終不及現金劵實用！

推廣期：即日至8月31日
網上登記做會員

3. 100%獎賞回贈 恆隆地產商場

旗下商場：Fashion Walk/淘大商場 / 家樂坊 / 雅蘭中心 / 荷李活商業中心 / 康怡廣場 / 山頂廣場
入會形式：網上登記入會
優惠獎賞：星期一限定100%獎賞回贈消費，買$500送$500

超筍！消費可換領同等優惠券！只要於指定星期一消費滿指定金額，但留意要頭10位才可享有100%獎賞回贈消費！最抵是淘大廣場/康怡廣場 / 山頂廣場，只要買滿$500就送$500，門檻最低，還可以自選兩間不同的優惠券。

大家不用擔心優惠券很難有機會用到，只要買滿$200即可用$100優惠券，計落已經是半價的折扣優惠，十分抵用！

推廣期：即日至10月31日

4. 星期四免費換Coupon 海港城

入會形式：網上登記入會
優惠獎賞：逢星期二及日限定，消費滿$1000送$200購物優惠券＋$100美食優惠券；星期四優惠：會員免費獲取品牌電子優惠券

平日去海港城買滿$1000，可換領指定$100購物優惠券及$50美食優惠券乙張，星期二及星期日限定有雙倍獎賞，最高仲可以達到50%獎賞！

另星期四推出不同限定精選優惠，會員可免費獲取品牌的電子優惠券 ，購物享$100及$500現金折扣，部份推介商品可享8折優惠；精選商品更可享半價或買1送1獨家優惠！特別一提是泊車優惠，只要於5時前入車，在海港城特定餐廳消費滿$100，就可以泊足5小時！

優惠券推廣期：即日至8月31日
網上登記做會員

5. 消費$300送現金券 The One

入會形式：下載商場App，會員每消費$1＝1分
優惠獎賞：買滿$300就已可換指定$100商戶現金券

尖沙咀各大商場都各推出不同優惠吸客，大家到The One以電子貨幣消費滿指定金額，即可免費換領指定商戶現金券，只要買滿$300就已可換指定$100商戶現金券。會員更可憑積分預留戲票換領證，於指定期間消費$100就可以換百老匯電影換票證！

除了獎賞優惠，也少不了大抽獎，逢星期六、日只要消費滿$200就可參與即抽即獎遊戲乙次，保證人人有獎，永不落空 ！

推廣期：即日至8月30日

6. 7折平掃現金券 朗豪坊

入會形式：下載商場App，會員每消費$1＝1分
優惠獎賞：7折買商戶現金券

實用又夠著數！朗豪坊的期間限定網上商店有超過50間商戶現金券以7折發售，現金券無上限使用，更同時適用於參與商戶的折扣優惠，包括多間餐廳、零售品牌現金劵，經常都火速Sold Out！其中Cinema City戲院現金券最抵買，一百元可買兩張戲院 $100現金券 ，再加送HK$28小食部現金券1張，可以半價睇戲仲有嘢食，有效期至明年1月，可待疫情較緩和再去也沒問題。

最近大家減少外出食飯，十分常用的相信是外賣優惠，朗豪坊有30間餐廳也推出了外賣自取折扣優惠，部分更低至六折，可以留意看看！

7折入手商戶現金券

7. 1折換電子產品/酒店Staycation 新鴻基商場 The Point by SHKP

入會形式：下載商場App，會員每消費$1＝1分
優惠獎賞：會員積分倍賞
積分換電子產品/酒店Staycation！

大家平日可能都會去新鴻基旗下商場，最方便是一個app就可以同時用於新城市廣場、MOKO、apm等20個商場，可餐廳取票和查看車位狀況。賣點係全部商場的消費可以一齊儲分，消費$1可獲1分，最近更有會員活動積分倍賞，可賺多5倍獎賞，儲分相對算是容易，而且換領的獎賞十分吸引！其中電器及酒店住宿優惠更常被搶光，最近推出的維港凱悅尚萃酒店飯店，只需2500分再另加$520就已可換到住宿一晚，算是十分超值！

推廣期：即日至10月4日