葡萄兄弟嘉穎做老襯 唐文龍趕撻女公關

48歲寡佬唐文龍,上月參加好兄弟鄭嘉穎峇里的婚宴,酸溜溜表示自己仲未有著落:「眾兄弟都祝福我係下一個!我都想!」言猶在耳,原來唐文龍已趕撻開PR公司,曾介入周永恆趙頌茹婚姻的小三Ruby (劉依靜),更愛得癡纏,即使超強颱風「山竹」殺到亦連日頻密約會。對於撻著唐文龍,Ruby坦言:「性格夾唔夾,要了解吓先!」兼大讚唐文龍係好男人,但一提賤男舊愛周永恆即刻落晒閘:「佢不值一提,當發場噩夢!」明顯要同賤周劃清界線!

撰文:東方新地|圖片:新傳媒圖片、Instagram

延伸閱讀:

自言要學會放手!吳雨霏:產後3個月冇離開囝囝半步

雷碧娜驚喜現身《街坊廚神》「花師奶」首與金剛、小儀正式會面

唐文龍 獲兄弟鼓勵

拍完《溏心3》人氣急升,唐文龍被封男神筍盤,先後被拍到約會十億有錢女黃文意,又指撻著打女楊柳青,但原來通通係冇米粥,上月參加鄭嘉穎婚宴,更開到口想在兄弟中下一個結婚。據知情者透露:「文龍好羨慕嘉穎同Grace拍拖三年就修成正果,佢話自己仲冇著落,班兄弟咪鼓勵佢,話只要緣份到,可能下一個就係佢。佢不知幾受落,睇得出佢好恨快啲成家!」原來,唐文龍已成功撻著女公關新歡,曾介入周永恆趙頌茹婚姻的小三Ruby (劉依靜)。

本來大纜扯唔埋,不過一次友人飯局就將正氣型佬唐文龍同Ruby劉依靜拉埋。據知情者透露:「Ruby覺得文龍好博學,同佢一齊有好多話題,文龍好鍾意研究電影,咁啱Ruby又鍾意睇戲,加上嚟緊Ruby公司會投資搞環保塑膠生意,文龍係支持環保人士,所以成日搵文龍攞意見,佢哋真係好投契!」

唐文龍
唐文龍曾公開擇偶條件,對象要白淨有肉地,咁大眼睛皮膚白滑有身材的Ruby又真係啱晒唐文龍杯茶。當日撐完枱腳離開餐廳,唐文龍更曾輕扶Ruby纖腰,相當細心。

心花怒放

日前本刊獨家斷正二人到尖沙咀拍拖撐枱腳直落睇戲,當日傍晚時分,唐文龍在尖沙咀亞士厘道一間茶餐廳外同友人傾偈,未幾就一個人入餐廳搵了一個隱蔽位置坐低,大約15分鐘後,女主角終於現身,當日Ruby明顯悉心打扮會情郎,甫坐低已經對住男神冧到爆,唐文龍打開餐牌介紹Ruby有乜好選擇,但似乎食物吸引唔到佢,對眼全程望到男神實一實,食物未到,唐文龍心花怒放講唔停,還攞出一本命理書同女方講相學運程,女方就嗒晒糖托住腮聽到入晒神。撐枱腳個半小時,由唐文龍埋單一齊離開,兩人急急腳截的士轉場去黃埔,原來係拍拖睇近期熱爆電影《逆流大叔》。

唐文龍
為免被發現,唐文龍同Ruby前後腳抵達餐廳,曾經錯愛渣男周永恆,Ruby對住正氣的唐文龍已經冧到出晒面,全程對眼好似發光咁望住男方,真係唔使飲糖水都甜到漏!
唐文龍
唐文龍講多過食,Ruby就似足小粉絲托住腮聽到入晒神。
唐文龍
就算食緊飯,Ruby對眼仲係目不轉睛望實唐文龍,睇嚟唐生對Ruby嚟講,真係好有吸引力。
唐文龍
撐枱腳個半鐘,唐文龍埋單同女友Ruby一同離開餐廳。
唐文龍
兩人截的士去黃埔睇電影《逆流大叔》,拍拖節目同一般情侶無異。

朝結婚方向

熱戀情侶見少一日都心掛掛,翌日唐文龍又再約會Ruby,當日下午一時多,唐文龍揸住佢架落地不久的過百萬波子Jeep,由奧海城寓所出發,先去郵局寄包裹,之後再揸車會合Ruby,Ruby還將兩人撐枱腳的合照,放上IG開心share,只見托住腮的Ruby貼實雙眼含春的唐文龍,就算簡單食茶餐廳,已經有情飲水飽閃到暈!

對於撻著唐文龍,Ruby坦言同對方係好朋友,還大讚對方是好男人:「佢份人好陽光好健康,對人好體貼,亦好gentleman,性格係咪真係夾,就要了解吓先知!」她坦言自己已經三十歲年紀唔細,再拍拖會好謹慎,希望朝住結婚方向搵對象。

唐文龍
9月12日,唐文龍揸住價值過百萬的波子Jeep出動,先去郵局寄嘢,之後趕去會合女友Ruby。
唐文龍
唐文龍以過百萬波子戰車接載Ruby,可見他對女方的重視程度。

Ruby Lau(@rubyrubyrubylau)分享的貼文於PDT 2018 年 9月 月 12 日 上午 2:27張貼

同Ruby打得火熱,被本刊斷正翌日,唐文龍再約Ruby撐枱腳,女方更開心share,將二人合照放上個人社交網,還留言叫男方加油!唐文龍亦火速回應:「係,一齊加油!」

跌落人生谷底

14年曾經介入周永恆趙頌茹婚姻,賠上事業毀了聲譽,Ruby形容當時簡直跌咗落人生黑洞,問到渣男周永恆是否她的人生污點,Ruby直言:「佢不值一提,就當發咗場噩夢!」更承認再投入新感情會更加謹慎:「嗰時自己處理得唔好,再拍拖會好謹慎,唔想再重蹈覆轍,以後會更加愛惜自己同屋企人!」

14年因介入周永恆趙頌茹婚姻,做咗小三的Ruby賠上事業毀了聲譽,問到他周永恆是否其人生污點,她直認不諱:「佢不 值一提,當發咗場噩夢!」
14年因介入周永恆趙頌茹婚姻,做咗小三的Ruby賠上事業毀了聲譽,問到他周永恆是否其人生污點,她直認不諱:「佢不 值一提,當發咗場噩夢!」
四年前因出軌家暴兼刑恐,周永恆被封世紀賤男,上年底先同阿Yu (趙頌茹) 正式離婚,今年六月宣布奉子成婚再娶內地女友陳𦾡 (Britni),早前太太更為他誕下兒子周聖恩。
四年前因出軌家暴兼刑恐,周永恆被封世紀賤男,上年底先同阿Yu (趙頌茹) 正式離婚,今年六月宣布奉子成婚再娶內地女友陳𦾡 (Britni),早前太太更為他誕下兒子周聖恩。

同周永恆感情只維持一年就分手,有指周永恆同阿Yu分居後將Ruby當出氣袋,性情暴躁經常無理吵鬧,長期活在暴力陰影下的Ruby,又要負擔兩人生活費,最終頂唔順分手。她坦言:「嗰次經歷令自己跌咗落人生谷底,嗰時好無助,更加因為咁患咗驚恐症,唔敢出街,好彩有朋友不停鼓勵,不過亦明白最後要企番起身,都係要靠自己,每個人都應該有重新開始嘅機會同生活!過去嘅唔再提嘞!」

成功嗒到正氣唐文龍,應該是人生一個好開始吧!

上月出席好兄弟鄭嘉穎陳凱琳婚宴,唐文龍酸溜溜表示自己感情仍冇著落,但原來已火速撻著女公關新歡Ruby。
上月出席好兄弟鄭嘉穎陳凱琳婚宴,唐文龍酸溜溜表示自己感情仍冇著落,但原來已火速撻著女公關新歡Ruby。
唐文龍
當日唐文龍同黃智賢一齊飛峇里飲兄弟鄭嘉穎喜酒,唐文龍仲同兄弟透露好想快啲成家。

合作鬧緋聞

早前同打女楊柳青 (後排左二) 傳緋聞,唐文龍解釋同女方只係朋友關係,之前一齊拍詠春短片,近日又合作拍電視劇《解決師》。

唐文龍
唐文龍

冇米粥

去年11月生日,唐文龍同十億有錢女黃文意去大嶼山遊大佛,亦因女方po相令戀情見光死。

唐文龍
唐文龍

新歡晒水著

甩賤男周永恆後,Ruby積極打理自己開的PR公司,曾是嫩模出身的她,亦不時在個人社交網晒生活照,生活已重入正軌。

Ruby Lau(@rubyrubyrubylau)分享的貼文於PDT 2018 年 4月 月 30 日 上午 12:27張貼

Ruby Lau(@rubyrubyrubylau)分享的貼文於PDT 2018 年 5月 月 1 日 上午 8:04張貼

Ruby Lau(@rubyrubyrubylau)分享的貼文於PDT 2018 年 7月 月 25 日 上午 7:20張貼

Ruby Lau(@rubyrubyrubylau)分享的貼文於PDT 2018 年 7月 月 22 日 上午 3:12張貼

秦嵐
秦嵐

【延禧攻略】好重口味呀! 梁家輝、鍾鎮濤 娘娘上身

梁家輝 鍾鎮濤
梁家輝 鍾鎮濤

【再創世紀】內地版冇得睇! 黃子雄 臨別大方露股

黃子雄
黃子雄

八十年代出道! 郭晉安 凍齡32年

郭晉安
郭晉安

點止鍾嘉欣同楊怡!盤點TVB 13位喊戲勁藝人

喊戲勁藝人
喊戲勁藝人

延伸閱讀:

秤不離砣 胡杏兒孖囝囝踩老公場 被踢爆shopping扮做嘢