蒙嘉慧現身鄭伊健澳門演唱會 日文對話惹內地網民不滿:為甚麼有一種不認祖歸宗的感覺

蒙嘉慧

49歲蒙嘉慧(Yoyo)與55歲老公鄭伊健同樣熱愛日本文化,二人除咗經常前往日本旅遊之外,有傳佢哋喺2020年移居日本,並指前年鄭伊健揼本過百萬俾老婆喺福岡開設房地產公司。鄭伊健「HERE & NOW EKIN IN CONCERT 2023」澳門站喺上週六(22日)舉行,當晚現場氣氛高漲,而老婆蒙嘉慧當然亦有喺現場支持,仲非常投入咁又唱又跳,不過蒙嘉慧就被網民拍攝到佢用日文同粉絲對話,結果引起內地網民不滿,紛紛留言鬧爆佢。

蒙嘉慧當晚紮起馬尾,並著上灰色長風褸現身,雖然佢著得咁低調,不過依然被唔少現場觀眾認出,除咗被大叫其英文名「YoYo」之外,仲有女歌迷疑似被問可唔可以合照,但被工作人員出手阻止。

蒙嘉慧更被網民拍攝到佢用日文同粉絲對話嘅畫面,片中見到蒙嘉慧喺舞台前徘徊,仲好似搵緊人咁用日文向觀眾席叫「Aki San」,之後有粉絲用日文回應「YoYo San」,蒙嘉慧在用日文話「這裡」,之後就同另一邊嘅觀眾握手。該片段喺內地網絡瘋傳,唔少內地網民紛紛留言鬧爆佢講日文,例如「該封殺」、「根在中國 請不要忘本」、「為甚麼有一種不認祖歸宗的而感覺」 、「她竟然說日語了」、「定居了日本還回來撈什麼」、「對於移居日本的人不感興趣」、「唉 一口流利的日語 無錢用又回來賺錢了嗎,等一下可以又回國可以慢慢用了」、「為什麼說日語,無語」、「去日本吧,幹嘛還來中國賺錢」、「好好的做中國人不好麼,這麼崇尚日本」、「開嘴就是日語,一下沒有好感了」、「好人好者講鬼話,鄙視」、「她是中國人麼?怎麼不說中國話」、「賺着我們中國人的錢,去日本花,不喜歡」及「在日本定居,來國內撈錢,怎麼不在日本開演唱會,賺日本人的錢?」等等。

影片截圖
影片截圖
影片截圖
影片截圖
影片截圖
影片截圖
影片截圖
影片截圖
蒙嘉慧
蒙嘉慧
蒙嘉慧 & 鄭伊健
蒙嘉慧 & 鄭伊健
鄭伊健
鄭伊健
鄭伊健
鄭伊健

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!