蒲頭否認「走數」!張致恒老婆發億字文直斥Naomi

蒲頭否認「走數」!張致恒老婆發億字文直斥Naomi
蒲頭否認「走數」!張致恒老婆發億字文直斥Naomi

藝人張致恒(Steven)早前被𡃁模馮鎵瀠(Naomi)公開追債,直至上月24日被爆居住的元朗村屋外遭人貼街招追數,始揭發張致恒一家已搬離上址並斷絕外間聯絡,即有傳他們疑着草避債。事發至今失聯達17日,今日Steven老婆區燕雯突然於社交網發「億」字長文,並點名狂批Naomi。雯雯一開始提到感謝對方願意借出2萬元應急,並為遲還錢致歉。及後,她逐點澄清外間傳聞,指未有消失「走數」,更自爆為還錢給Naomi不惜去財務公司借錢:「我哋去到絕路已經去咗借財務,去還一半錢畀你先,好抱歉我哋冇能力一次過還清2萬蚊畀你,我哋亦已經承受緊我哋要承受嘅,畀財務貼街招甚至追上門。但係我依家喺呢度答應你,我一定會用盡我嘅能力兩個月內還埋呢1萬蚊畀你。」

雯雯突然發長文澄清!
雯雯突然發長文澄清!
Steven早前被貼街招追債。
Steven早前被貼街招追債。

她續指Naomi為追債而騷擾其家人包括媽咪:「我嘅家人係無辜嘅,你要嬲要追我哋還錢可以嚟搵我哋一家四口,但係點解叫我哋還錢嘅時候,要用我屋企人嚟威脅我哋去還錢畀你,點解要講到搵人去騷擾我嘅媽媽拎返屬於你嘅錢。」而講到有指其生活富貴,住靚屋兼養狗,她就解釋所住村屋位置偏僻,租金並非高昂,養寵物則是早在結婚拍拖前已開始,故寧願捱窮也不想棄養。至於講到買玩具給兩個兒子,她則指只是親戚送贈,並斥禍不及兒子:「我係爭人錢,但係咁樣係咪代表我唔可以生活唔可以生存?我兩個小朋友咁細,係咪就唔可以有佢哋嘅童年?我爭人錢未有能力還,我承認我係有罪,但係我兩個小朋友佢哋點解有罪?」

唔明白點解兩個小朋友會有罪。
唔明白點解兩個小朋友會有罪。

另外,她亦為Steven護航,指他是好爸爸亦已努力工作,每次一有收入已立即還錢,揚言:「一個男人衰鹹濕衰貪玩,係咪就要判佢死刑?既然佢依家咁努力去生存,點解唔可以畀啲時間佢慢慢做番好佢照顧兩個小朋友?大家可唔可以高抬貴手,畀我兩個小朋友可以有一個爸爸,我哋一家四口可以生存落去。」她最後承諾未來會陸續還清所有債務,絕不會「走數」。

Naomi話欠債還錢天公地道。
Naomi話欠債還錢天公地道。

Naomi否認曾騷擾張致恒家人:應該去報警

Naomi對於張致恒太太所發的長文,接受東網訪問時,否認找人去騷擾對方的家人,並揚言:「如果有咁做,你應該去報警。其實借人錢要還係好應該,冇咁大個頭唔好戴咁大頂帽,生活同生存都要靠自己雙手同努力,有手有腳就去搵份工。唔好覺得人哋去追債就係逼你,你唔借錢就唔會有人追你,你本身唔係使大咗,就唔需要問人借錢。如果有個花園嘅村屋、飲支樽裝水、可以喺花園燒嘢食、有工人都唔叫富貴,咁可能對我呢啲屋邨出身嘅女仔嚟講,覺得呢啲生活係好奢侈同富裕,我諗一般打工仔都未必可以屋企有個花園,去養小動物同請到工人。」

她續指收了一半還款後,自己已沒有再去追債:「希望張生喺大陸搵到錢嘅時候,第一時間還畀我先,以後再有任何人上門騷擾,就可以避嫌唔關我事,唔好事旦有一個人上門追債又話係我,呢個我覺得好煩。佢哋當初要求我唔好回應,等事件唔好發酵,咁都希望佢哋唔好將呢件事無限loop,爭人錢係事實,未還晒係事實,佢無論出幾多個post我都係會要求佢還晒所有尾數,都希望佢唔好再用小朋友同寵物去做擋箭牌,認真地去搵份工,真金白銀賺錢去還畀所有債主。」她強調不會助長借錢唔還的歪風。

Naomi強調不會助長借錢唔還嘅歪風。
Naomi強調不會助長借錢唔還嘅歪風。