蓋世寶離開TVB回復自由身 要慳住使錢︰工作量未如理想

蓋世寶離開TVB回復自由身 要慳住使錢︰工作量未如理想
蓋世寶(LuLu)今日(21日)出席《小明星練習生決賽》擔任評判,她曾在TVB擔任多年兒童節目的主持人,被問到在揀選勝出的小朋友有什麼準則時,她說︰「唔係因為得意或者靚啲而高分啲嘅,都係睇吓個小朋友個感覺,有冇自信心,有冇準備啊,有做好準備個眼神係唔同啲嘅,技巧啊,自唔自然等等。」LuLu做了多年兒童節目的主持,形象深入民心,她自從今年3月起跟TVB正式滿約回復自由身,她坦言︰「近來其實唔算真係好忙,工作量都係一般,我覺得未如理想,有啲可能係美容嘅工作啊,或者sell啲美容產品,又時做吓訪問,做吓電視,出去唱吓歌咁,之前都有人搵過我話開個小型嘅演唱會,咁我自己都有少少心大心細,因為其實免費睇你嘅話就OK啫,當要畀錢入場睇嘅時候,係咪真係賣到飛呢,呢樣野我比較擔心囉,所以大家仲係籌備緊商量緊討論緊。」收入方面,LuLu就直言要「洗少啲囉」,不過戶口都keep住有收入。常常接觸小朋友的LuLu,會不會渴望快點組織家庭生小朋友,她笑言︰「首先都要有一個人喺隔離嘅,咁呢個人我未搵到,同埋依家我又唔係好擔心,因為高齡去生BB依家都唔係話一個好大嘅問題,如果遇到一個人係適合嘅,考慮吓囉,但其實我唔算好『好』,有啲女性係會覺得小朋友『哎呀,好得意啊』,我就唔係。」點擊瀏覽《香港01》更多內容和圖集 你可能感興趣: 王祖藍囡囡愈大愈似媽媽 IG曬妻女溫馨互動 【多圖】吳千語回復單身即派福利 晒仙氣泳照展示纖腰長腿

蓋世寶(LuLu)今日(21日)出席《小明星練習生決賽》擔任評判,她曾在TVB擔任多年兒童節目的主持人,被問到在揀選勝出的小朋友有什麼準則時,她說︰「唔係因為得意或者靚啲而高分啲嘅,都係睇吓個小朋友個感覺,有冇自信心,有冇準備啊,有做好準備個眼神係唔同啲嘅,技巧啊,自唔自然等等。」

LuLu做了多年兒童節目的主持,形象深入民心,她自從今年3月起跟TVB正式滿約回復自由身,她坦言︰「近來其實唔算真係好忙,工作量都係一般,我覺得未如理想,有啲可能係美容嘅工作啊,或者sell啲美容產品,又時做吓訪問,做吓電視,出去唱吓歌咁,之前都有人搵過我話開個小型嘅演唱會,咁我自己都有少少心大心細,因為其實免費睇你嘅話就OK啫,當要畀錢入場睇嘅時候,係咪真係賣到飛呢,呢樣野我比較擔心囉,所以大家仲係籌備緊商量緊討論緊。」收入方面,LuLu就直言要「洗少啲囉」,不過戶口都keep住有收入。

常常接觸小朋友的LuLu,會不會渴望快點組織家庭生小朋友,她笑言︰「首先都要有一個人喺隔離嘅,咁呢個人我未搵到,同埋依家我又唔係好擔心,因為高齡去生BB依家都唔係話一個好大嘅問題,如果遇到一個人係適合嘅,考慮吓囉,但其實我唔算好『好』,有啲女性係會覺得小朋友『哎呀,好得意啊』,我就唔係。」

點擊瀏覽《香港01》更多內容和圖集

你可能感興趣:
王祖藍囡囡愈大愈似媽媽 IG曬妻女溫馨互動
【多圖】吳千語回復單身即派福利 晒仙氣泳照展示纖腰長腿