蔡卓妍講緣分 棄柏豪揀C君

蔡卓妍前晚與周柏豪等現身首映禮，戲中她被3位男士力追，現實中她就不要男神獨愛C君，貪對方搞笑、與自己同日生日兼「靚仔」！對於好姊妹鍾欣潼脹爆，她就解釋與賀爾蒙失調有關。

蔡卓妍（阿Sa）、周柏豪、陳家樂、衛詩雅、C君等，前晚與英皇集團主席楊受成夫婦一同出席英皇電影《感動她77次》首映禮。講到戲中被柏豪、泰國型男Mario Maurer及C君追求，阿Sa就表示現實生活中會揀C君為另一半，她笑言：「佢搞笑吖嘛，而且我同C君同一日生日，係緣分。（C君唔靚仔？）我覺得佢好靚仔。」

提到好姊妹鍾欣潼被發現肥了很多，阿Sa說：「最緊要健康，佢之前有賀爾蒙失調嘅問題。（關心佢？）佢知o架喇，女仔唔講就得，費事畀壓力佢。」

阿Sa現實中揀C君，問柏豪可感不值？他笑言：「我都覺得佢好靚仔，又有才華，又幽默，而且戲中仲有飛機添。」講到電影在2018年拍攝，柏豪開心的說：「大家嘅心機終於有出頭天，之前成日諗套戲幾時上，因為第1集好受歡迎，唔想大家嘅心機白費。（有信心成績好過上集？）上集太好，所以今集都有信心。」

家樂詩雅煲韓劇

家樂及詩雅則同以黑白打扮現身，十分相襯，詩雅表示：「我哋冇夾過o架，佢成日跟住我，又跟我住邊。」家樂就謂：「因為佢成日對投資有研究，我唔係好熟，我依家都跟佢煲韓劇，我哋睇完劇會互相慰藉，討論劇情。」詩雅亦謂有跟家樂健身，做到手痛亦有問對方借按摩槍，但太重需要搵人幫手才可以用，記者打趣叫家樂幫手，她即笑言：「唔好啦，佢太惹火，好危險！」