蔡嘉欣 爆馬德鐘「假正經」

東方日報
·1 分鐘文章
蔡嘉欣對住馬德鐘做戲,緊張到個心砰砰跳。
蔡嘉欣對住馬德鐘做戲,緊張到個心砰砰跳。

藝人蔡嘉欣日前出席活動,透露近日剛拍完《飛虎之壯志英雄》、《金宵大廈2》及《智能愛(AI)人》3部劇,其中在處女作《飛》劇演女警,與馬德鐘及黃宗澤等同組,她坦言對住前輩做戲很緊張:「個心砰砰跳,但佢哋好好,不斷叫我放鬆啲,我亦因為呢套劇發現自己鍾意拍劇。(有冇緊張到狂NG?)拍之前幾日已經背熟啲稿幾百次,所以好彩唔係NG太多。」

提到對住多位型男開工,她笑言目不暇給,更大讚馬德鐘有型又親切:「原來佢好幽默,之前以為佢好正經,但原來私下好好笑,而且佢真係好犀利,明明一齊講緊笑,但聽到Action就可以即刻講番3頁紙對白。」

【相關搜尋】蔡嘉欣「感謝疫情」認冇腦