蔡思貝唔介意被叫「發電機」 袁偉豪壓力大 脫髮灰爆急求醫

蔡思貝與袁偉豪齊齊遲到,表示因工作安排問題所致。
蔡思貝與袁偉豪齊齊遲到,表示因工作安排問題所致。

藝人袁偉豪自爆有脫髮問題,目前已向皮膚科醫生求助。早前指傳媒「錯重點」,他直言因感到宣傳重點不在推出新歌之上,才難掩情緒起伏,但希望日後能與記者多作溝通。

袁偉豪(Ben)、蔡思貝、王敏奕、施匡翹等昨午出席主演無綫劇《法證先鋒V》宣傳,Ben與思貝姍姍來遲,解釋因在公司拍網上宣傳素材,時間安排有偏差所致,並連聲抱歉。談到日前開Live自爆非常緊張髮線,Ben坦言:「近呢兩、三年我不斷有周期性脫髮問題,呢個階段真係擔心嘅,有睇皮膚科觀察情況。(同壓力有關?)無形壓力非常之多,每日洗頭都好多頭髮跌落嚟,一定過百條,維持咗成個月。上年我有段時間將頭髮鏟到好短,有一刻好心灰,唔知發生咩事。」

問到是否壓力影響情緒,他說:「情緒同生活壓力都有,始終過去兩、三年市道較差,負面評論又多。(你之前話傳媒錯重點?)嗰次做新歌宣傳,希望大家明白我用咗咁多心機造歌,但原來focus唔喺作品上,令我突然有啲反應。(覺唔覺自己情緒化?)情緒化每人都會有,只係用咩方法搵出口,的確我係有啲難度,明白係重要嘅課題。我唔能夠話完全唔關自己事,但一隻手掌拍唔響,趁大家有機會見面,都想保持良好嘅關係同溝通。」並續指:「大家互相係面鏡,一個小小嘅誤會,可能愈發愈大。」

王敏奕發力「追求」黃宗澤

至於蔡思貝於開Live時亦被重提「發電機」花名,她自稱不介意。問到有否竅門教袁偉豪應對負面新聞,她說:「佢唔使我教,同埋佢有做開運動,有用嘅。」而王敏奕談到下周《法》劇將交代她追求黃宗澤:「佢就好啦,係人都享受畀人追。」她又透露近期刻意操弗以投入新劇《虛擬情人》拍攝:「拍檔朱敏瀚太弗喇!(佢要除衫?)唔除有啲嘥。」

王敏奕
王敏奕