蔣家旻有信心打入「女配」5強

張寶兒(左)與蔣家旻早前到日本拍節目,順便玩餐飽。
張寶兒(左)與蔣家旻早前到日本拍節目,順便玩餐飽。

藝人蔣家旻與張寶兒昨日為旅遊節目《45日環遊日本》宣傳,成個行程花費約30萬港元,蔣家旻透露14日旅程中幾乎日日浸溫泉,笑言浸到甩皮。她憑《美麗戰場》角逐「最佳女配角」,同劇的劉佩玥和朱晨麗反升呢角逐視后,被指造就她成女配大熱,她笑言女配有38人競爭好激烈:「可能人哋覺得4個都係女主角,但我拍完都覺得自己係女配角,個個觀點唔一樣,提名控制唔到,等公司決定。」她有信心入5強,但就冇特別諗攞獎,問到角逐女配較着數?她指楊卓娜和趙希洛都很好,一切聽天由命。

寶兒透露在日本一個月,日日食雪糕,雖然肥了,但經常踏着木屐跑幾條街,笑言可能弗了。談到老公袁偉豪最近在網爆Seed發文,她撐老公是好人:「佢本身脾氣好做事認真,唔會將拍戲情緒帶返屋企,可能佢要求高,有時未達到要求,佢會講一兩句,不過唔使擔心。(佢用字暴躁!)本身唔係呢回事,從文筆睇好似好大件事。」