蔣怡置新裝 網上拜年都要靚

東方日報
·1 分鐘文章
雖然話減少外出,但過年始終要好好睇睇,扮到靚一靚。
雖然話減少外出,但過年始終要好好睇睇,扮到靚一靚。

蔣怡(CoCo)正閉關炮製其首本食譜,日前忙裏偷閒約旗袍設計師好友蔡毅明(Grace)到銅鑼灣買新衫,對麻雀圖案外套一見鍾情,一試即買,為過年作好準備。她說:「依家真正煮同埋影相會比較趕,每日要影7道菜,又要拍片同外景,抗疫期間屋企繼續1日3餐。(1日煮10道菜?)所以好忙,由朝煮到晚,等小朋友瞓覺後繼續準備食材同碗碟裝飾。」又說老公思想傳統,在疫情下仍要影新年全家福:「網上拜年都係拜年,都要着靚衫影靚相,我哋會喺屋企搵個靚啲角落影相。」

另外,Grace早前粉墨登場拍攝微電影,穿上旗袍及拿着飯壺,甚有《花樣年華》的「曼玉Feel」,她笑說:「唔可以比,各有特色,不過起碼有9年冇做模特兒,拍嗰日好凍,啲朋友問我做乜拍嘢,我話經濟唔好,要搲撈,哈哈!」

多年沒做模特兒的蔡毅明,重操故業亦沒有生疏。
多年沒做模特兒的蔡毅明,重操故業亦沒有生疏。