蕊蕊開心離港 朋友嗌羨慕

藝人陳蕊蕊、梁雪瑤與譚嘉荃等昨日到深水埗出席活動,蕊蕊透露10月將到格魯吉亞2星期,拍攝旅遊特輯:「好期待,因為疫情差唔多2年冇旅行,好多朋友都好羨慕,問可唔可以做助手跟埋一齊去。」

未出發先興奮的她笑言回港後要隔離21日感到痛苦,已經諗定節目:「會準備定啲畫具畫吓畫、睇吓書打發時間。(擔心疫情?)當地唔多人,所以唔係好擔心,唔使拍攝嘅時候都會戴口罩,特別要注意係坐飛機,做足保護措施就得。」