蕭亞軒保住靚樣 出新歌復工?

·1 分鐘文章
蕭亞軒接連晒相,證明自己個樣靚番晒!
蕭亞軒接連晒相,證明自己個樣靚番晒!

台灣天后蕭亞軒去年初因被愛犬咬傷面部致毀容,多次接受手術後嘴角仍留有成吋長疤痕,上月她罕有晒出冇遮樣新相,幾乎不見傷口,只是嘴角位有輕微陰影,不過被網友指她Filter落得太重手。

前日她「再接再厲」晒出正面相,雖然今次未有貼出近鏡自拍,不過難得沒有加Filter,讓大家清晰見到其靚樣,嘴角明顯白滑,看來保得住個樣!未知是否還原靚靚心情好,早前她因為今次意外而停工,連帶新專輯最後一首歌都一直未有出,不過最近有粉絲發現終於收到新歌,估計她已經有復工的心!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能