蕭正楠強制隔離 黃翠如「天使數字」隔空打氣

·1 分鐘文章
蕭正楠強制隔離 黃翠如「天使數字」隔空打氣
蕭正楠強制隔離 黃翠如「天使數字」隔空打氣

無綫藝人蕭正楠日前主持飲食節目,及後該食肆有員工確診新冠肺炎,蕭正楠即被列為緊密接觸者,現於隔離營接受強制隔離。老婆黃翠如尋日喺社交網有上載兩公婆嘅影子合照,留言「冇事冇事」隔空為對方打氣,仲加上「55555」Hashtag,原來呢堆數字係「天使數字」,寓意有巨大嘅變化降臨,而呢啲變化係「相信會有更美好未來」嘅意思。

用天使數字「55555」為老公打氣!
用天使數字「55555」為老公打氣!

此外,黃翠如亦上載1張食物照,並Tag咗蕭正楠考對方數學題:「雪櫃發現8隻雞翼,食咗3隻剩番幾隻?」雖然只係1碗米粉,但已感受到黃翠如獨自在家嗰份寂寞。唔少藝人好友紛紛留言為佢哋給力,包括馬國明、連詩雅、周柏豪等,相當有愛。

用雞翼考蕭正楠數學,keep住互動!
用雞翼考蕭正楠數學,keep住互動!