蕭正楠自爆遭陳瀅突襲舌吻

東方日報
·2 分鐘文章
李佳芯大讚蕭正楠於劇中的演出夠晒話題。
李佳芯大讚蕭正楠於劇中的演出夠晒話題。

藝人蕭正楠(Edwin)、李佳芯(Ali)、陳瀅、伍詠薇及Bob等昨日在將軍澳電視城出席《愛美麗狂想曲》x《TIGER'S TALK》宣傳記者會。Ali與Edwin互笠高帽,她大讚對方的HeHe角色演得入型入格夠晒乸,更獲網友評價他與曹永廉的「HeHe值」更勝王浩信與張振朗,Edwin笑說:「場咀戲錫咗4次,好難忘,我真係幾忍得臭(口架),第一次同男仔咀嘴,個feel同女仔唔同,有啲拮囉,仲要閉氣。」而Ali笑指劇中的大露背淋水戲,遠不及陳瀅的演出性感,Edwin亦說:「同陳瀅場咀戲直情係舌吻嚟,佢喺電光火石之間舔咗埋嚟,佢事前特登唔講喎,搞到我拍完呆咗坐喺度,佢真係好麻甩,唔係傳統嘅TVB演員,所以幾有驚喜。(同阿廉咀點比?)冇得比,一個係香薰,一個係坑渠。」他又指老婆黃翠如早前為他搞生日慶祝,但笑稱老婆製造的驚喜錯漏百出,自己早猜到端倪。

另外,經過桃色事件後正式「復工」的朱智賢,被問會否向同場的高層樂易玲與曾勵珍自薦?她說:「等公司安排,最重要係畀大家知道我Ready。(謝東閔點支持你?)佢一直鼓勵我做運動,我冇嘥時間,努力增值。」

同場的林凱恩講到設計師哥哥被指拖糧兼失蹤,她自言未能聯絡上哥哥,不清楚事件,但指成年人要自己負責任。

陳瀅晒腰谷劇,靚!
陳瀅晒腰谷劇,靚!