藝員訓練班變真人騷!曾志偉:好似《全民造星》

·2 分鐘文章
藝員訓練班變真人騷!曾志偉:好似《全民造星》
藝員訓練班變真人騷!曾志偉:好似《全民造星》

無綫《2021藝員及電視製作人員訓練班面試》在將軍澳電視城進行面試,約有1,800人遞交報名表,年紀最細18歲,首輪面試約有1,200人出席參與幕前面試,坐爆一廠。無綫副總經理曾志偉率領首席創意官王祖藍、訓練班主理人馬浚偉、助理總經理曾勵珍與樂易玲等高層出席面試。

曾志偉同王祖藍喺台下雞啄唔斷!
曾志偉同王祖藍喺台下雞啄唔斷!
現場好熱鬧!
現場好熱鬧!

志偉上台鼓勵大家,表示很開心,很久未見過那麼多人塞爆一廠,歡迎大家加入無綫大家庭。他說:「今年係特別嘅一年,因為由祖藍嘅創意下,正構思將今年藝員訓練班變成好似《全民造星》嘅真人騷,將訓練班學員變成演員嘅培訓過程呈現觀眾眼前。我哋唔一定揀靚仔靚女,我同祖藍都得囉,最重要係對演藝有興趣,有信心、努力,對演藝忠誠,熱愛演戲。努力係必需嘅,如果唔勤力,縱使充滿藝術細胞,機會都會流失。」祖藍則自嘲說:「我咁都捱到今日,所以門檻唔係咁高。」志偉台上發言後則一支箭離開現場,未有接受訪問。

曾志偉話想將訓練班變成好似《全民造星》咁!
曾志偉話想將訓練班變成好似《全民造星》咁!
祖藍笑言自己都捱到今日!
祖藍笑言自己都捱到今日!

講到訓練班真人騷化與ViuTV《全民造星IV》相撞?樂易玲受訪時表示:「其實我哋上年已經有咁嘅計劃,不過祖藍上年比較忙,佢今年返嚟就即刻就同佢提議,同埋其實TVB造星已經造咗50幾年。」祖藍則說:「籌備中,大家會有啲唔同,TVB訓練班歷史悠久,亦都係TVB嘅獨有嘅文化。(招募學員年輕化?)好似我門檻咁低都得囉,其實最緊要係創造多啲就業嘅機會。」曾勵珍則強調訓練班並不是為了做騷,學員是需要有長遠發展。馬浚偉指公司對訓練班投放了很多資源,希望學員珍惜,會對學員作全方位訓練,3個月理論課程、3個月實習,他說:「希望大家學習認真、虛心、唔好遲到,呢個係我恩師珍姐教嘅。」

樂易玲話上年已經有咁嘅計劃!
樂易玲話上年已經有咁嘅計劃!
馬浚偉話會對學員作全方位訓練。
馬浚偉話會對學員作全方位訓練。
曾志偉未有接受訪問。
曾志偉未有接受訪問。