蘇皓兒恨返無綫拍劇 做妹仔都制!

東方日報
·1 分鐘文章
蘇皓兒(左)與楊柳青互攬,夠晒Friend!
蘇皓兒(左)與楊柳青互攬,夠晒Friend!

拍畢無綫劇《金宵大廈2》的蘇皓兒日前為新片宣傳,飾演特技化妝師的她大讚化上爛面鬼妝的好友楊柳青表現超專業:「其實我都有化過1日蠟像去嚇人,但冇佢咁辛苦。(可會挑戰拍床戲?)如果劇情需要都可以,不過我冇身材,都冇人睇啦!」問到新年願望?她表示希望作品可以順利推出,因疫情影響,有部分工作延期及取消,最期待返無綫拍劇:「想有機會做丫鬟或番邦公主嘅角色。」

楊柳青自言化爛面妝苦不堪言:「雖然我皮膚粗生粗養啫,但都發炎又起水泡,因為個妝太恐怖,嚇到啲男工作人員日日爆粗鬧我,不過我唔嬲,明白佢哋感受。」