蘇皓兒通宵打機 被誤會係「廢青」

·1 分鐘文章
蘇皓兒冇女神包袱,不介意自爆「麻甩」一面。
蘇皓兒冇女神包袱,不介意自爆「麻甩」一面。

「宅男女神」蘇皓兒(Chloe)接受同門師兄「灰熊」蘇宸褕挑戰,大玩「5秒定律女神版」,遊戲開始前,灰熊潑冷水說:「以我認識嘅Chloe,反應有啲慢,呢啲遊戲對佢有少少難度,同埋我覺得佢係假冒女神。」不過遊戲期間,Chloe展現「美貌與智慧並重」的一面,當被問「和伴侶共處時唔會做的3件事」,她輕鬆回答:「剪指甲、撩鼻屎、𢱑腳趾!」相當搞笑。

她又自爆愛玩Online Game:「最瘋狂試過一日打8個鐘,由凌晨12點打到朝早8點,嗰時會開咪同唔識嘅人打,啲人仲問我係咪住喺外國,因為我次次都係外國時間先上線。」最搞笑是有網民覺得她冇工返:「我個網名叫『頑皮仔』,啲網友勸我『你去搵工啦!唔好做廢青!』」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能