「處女」Catwalk騷 曾樂彤邊行邊驚 李靖筠全無壓力

李靖筠(左)與曾樂彤首次行騷,有板有眼。
李靖筠(左)與曾樂彤首次行騷,有板有眼。

英皇兩小花曾樂彤及李靖筠為馬場活動擔任Model,獻出「處女」Catwalk騷,對新挑戰既興奮又緊張,因為手戴過百萬名錶,前者笑說:「呢度係一層樓嘅首期!愈多石愈貴,啱啱一路行一路勁驚隻錶甩。(反而唔係怕條裙太長Kick親?)佢哋教咗我係踢住嚟行,但聽到今次冇綵排,Briefing完就行,腎上腺素即刻上升!」

相反,李靖筠表示今次任務好簡單,只是行一圈便完成,完全零壓力,更搞爛Gag笑說平時都行開「天橋」。講到她激罕低胸,她抵死笑說:「我一向行開性感路線,OK嘅!唯一唔習慣嘅係着高踭鞋,以前想過改變呢個世界,着咩都係襯波鞋,但睇嚟我改變唔到。」