「蜥蜴仔」曾德華受疫情影響 冇工開被迫轉行做外賣仔

「蜥蜴仔」曾德華受疫情影響 冇工開被迫轉行做外賣仔
「蜥蜴仔」曾德華受疫情影響 冇工開被迫轉行做外賣仔

新冠肺炎疫情持續,電影業幾乎停頓,唔少從業員都冇工開,部分人被迫轉行,當中包括電影臨時演員「蜥蜴仔」曾德華。佢冇戲拍之餘, 又唔可以北上登台,早排被傳媒影到佢為咗生活,被迫轉行做外賣仔,由於佢唔識駕駛,只可以做「步兵」。外表骨瘦如柴嘅蜥蜴仔送完外賣,之後去公園食飯盒。不過呢個食飯環境認真麻麻,因為隔離係垃圾房,仲有好多老鼠行來行去。食完飯後佢去到大角嘴快餐店取外賣,再去唐樓送外賣。

「蜥蜴仔」曾德華憑住騎呢樣貌喺電影圈殺出一條血路,參演過多套電影拍攝,雖然佢嘅戲份唔多,仲通常飾演毒男角色,但觀眾對佢印象深刻,好似電影《行運一條龍》中,佢同周星馳及其他毒男一齊喺派對內被漠視。

傳媒之後致電蜥蜴仔,佢坦言已大半年冇工開,收入大減,而家情況係見步行步,希望疫情快啲過去,經濟復甦,人人有工開。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!