【行山抗疫】大嶼山挑戰中級路線 三連攻觀音山、羌山、靈會山

·2 分鐘文章

呢期大家都會不停尋找行山好去處,畢竟難得放假,緊係想一家大細或一班朋友,安安心心咁逃離城市,洗一洗返工或屈係屋企的悶氣!今次就介紹大家入大嶼山行羗山。羗山位於大嶼山以西,大澳與石壁之間,高459米,一邊連接靈會山,一邊連接觀音山,可盡覽石壁及大澳一帶的風景!從鳳凰山徑作起點,經過觀音山、羗山、靈會山,最後去大澳,全程約2-3小時,難度屬中級!

鳳凰山徑+觀音山山頂
鳳凰山徑+觀音山山頂

鳳凰山徑+觀音山山頂

從鳳凰山徑出發,沿指示牌往上去,20分鐘左右便到達觀音山山頂。觀音山海拔434米,可望到鳳凰山及石壁水塘,景色優美。

羌山
羌山

羌山
從觀音山山頂要往下走一段,走一段較費力的石級,攀上高459米的羌山。山頂座擁超級無敵大海景,又可以回望整個鳳凰山山脈,配上石壁水塘作襯托,被稱為大嶼山最靚的景色。

相片來源:852go@ig
相片來源:852go@ig

靈會山

從羌山靠左上靈會山,沿路路牌指示明確,便會到達490米的靈會山,可以望到大澳景色。

慈興寺、萬丈布、龍仔悟園
慈興寺、萬丈布、龍仔悟園

慈興寺、萬丈布、龍仔悟園

落山沿路亦可以去慈興寺睇金龍,更被喻為天池的萬丈布,襌修庭園龍仔悟園等,景點尚算多。

大澳

最後到大澳可以買海味,食埋晚餐,咁就可以玩足一整天!

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!