衛蘭認老退出「舞」林

衛蘭出席音樂節活動,並與眾新進歌手一起演出。
衛蘭出席音樂節活動,並與眾新進歌手一起演出。

歌手衛蘭昨日出席《Gimme LiVe音樂節》,談及《聲夢傳奇》15位學員舉行一連4場演唱會,身為導師的她亦會參與,又表示連月來見證學員成長:「佢哋Pick Up得好快,有團火,好熱愛音樂,都會提醒佢哋就算有幾大實力,都要保持謙卑嘅心。」

眾多學員中,她承認對鍾柔美(Yumi)及孫漢霖(火雞)特別偏心:「好有默契,識咗咁短時間都好Close。(佢哋有呢個成績,你都有功勞。)我有幫到佢哋,會分享自己嘅經歷。Yumi好搞笑,會打嚟問我着咩衫,想同我襯衫。(同佢一齊跳舞?)唔會啦!我以唱歌為主,留番畀啲後生跳。」