衛詩雅聖誕多人約 湯怡拒收起性感 慘遭凌虐

湯怡不想人母身份成為包袱,期望繼續突破框框。
湯怡不想人母身份成為包袱,期望繼續突破框框。

藝人湯怡早前在戲中性感上陣兼慘受虐待,直言是入行以來最大膽之作。雖然已為人母,但她揚言不會因此而限制接戲尺度,並讚老公麥秋成思想開通。

湯怡、衛詩雅及曾樂彤等昨日現身銅鑼灣的英皇戲院開幕活動,湯怡主演的驚慄電影《致命24小時》下月上映,她透露片中不乏被虐情節,老公麥秋成睇完預告後覺得不舒服及心痛她:「我叫佢入到戲院唔好喊,佢個人好感性,同我一樣咁易喊。(你喺電影入面好性感,佢會唔會介意?)佢明白係工作需要,佢話:『你當係着住泳衣咪得囉!』佢好開明,唔介意。」續言雖然已為人母,但不會因此收起性感:「我唔會框死自己,收工做媽咪,做演員就乜都試。(唔會有底線?)睇劇本,呢套戲係我入行以嚟尺度最大,都係好大突破。」

曾樂彤心急拍拖

提到聖誕將至,湯怡表示今次是與BB度過的首個聖誕,買了聖誕卡送給寶貝女:「老公話買咗張卡畀個女,我差啲喊,冇諗過佢咁Sweet。老公寫過聖誕卡畀我,我反而好少寫,我都要着重多啲儀式感,唔可以咁懶。(會寫咩畀BB?)寫得簡單少少,等佢3、4歲就識睇,諗住每年都寫一張卡送畀佢。」

至於衛詩雅自嘲大頭蝦,試過在戲院遺下電話及手提電腦,幸好最終成功領回失物,但強調當中沒有私密照。她又指每次出席戲院揭幕禮都會回想起初戀:「因為我嘅初戀就係發生喺戲院。」問到聖誕有何活動?她揚言多人約:「梗係會應約,全部去晒!」而曾樂彤雖然佳節要開工,但已有人約慶祝,並坦言想早日脫單。

英皇戲院開幕,一眾藝人拉隊撐場。
英皇戲院開幕,一眾藝人拉隊撐場。