《衝上雲霄大選》奪冠麥大力為追夢棄醫投考機師

·2 分鐘文章
《衝上雲霄大選》截圖
《衝上雲霄大選》截圖

ViuTV前晚舉行《全民造星III》總決賽直播,無綫就舉行以航空界人士為主嘅《衝上雲霄大選》對撼,每個參賽者都施展渾身解數,結果由1號麥大力(Derek Mackesy)、3號盛勁為及11號陸煥恆奪得冠亞季軍。

現年34歲嘅麥大力外表英俊有型,仲係一名混血兒,爸爸係愛爾蘭人,媽媽係香港人。佢喺香港生活直至16歲先去英國讀書。雖然曾任職飛機師,不過其實佢係一名醫科畢業生。麥大力接受訪問時就話細個嘅時候參加寫作比賽獲得冠軍,而獎品就係坐飛機喺香港上空飛一個圈,當時已經對飛機師呢個職業好有興趣。不過媽媽好想佢讀醫科,所以佢就選擇讀醫科,但佢自己就有個飛行夢,於是22歲大學畢業後就即刻投考飛機師。媽媽雖然好嬲,不過最後都為咗囝囝嘅開心同埋夢想而讓步。

以大熱姿態獲得冠軍嘅麥大力,參加《衝上雲霄大選》獲得家人支持,被問到會唔會擔心年紀大,適應唔到演藝行業,佢就話自己學嘢快同埋個性開朗,而且呢一行仲可以做到老。有報道指麥大力喺擔任機師時,月薪可以高達20萬,而無綫嘅人工相對較低,佢就話人工唔係重要,最緊要係工作開心,仲話自己有一定嘅積蓄。至於將來會唔會再做機師,佢就話呢一刻都係想專注演藝事業。至於感情方面,佢就坦言未有女朋友,現時係單身。

《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
《衝上雲霄大選》截圖
麥大力
麥大力
麥大力
麥大力

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!