【袁偉豪走樣】冇戲拍做人體模特兒搵食 袁偉豪入行22年捱出頭 娶張寶兒買7千萬傲瀧做愛巢

·4 分鐘文章
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

喺【萬千星輝頒獎典禮2020】上,拍住老死周柏豪拎到「最佳節目主持」嘅袁偉豪(Ben),被網民喪踩外表老化驚人。嬲嬲嘅Ben喺社交平台發長文還擊,解釋當日不在狀態,仲話「繼續話我食軟飯,繼續話我去做鴨,繼續話我一味靠黐,繼續話我做戲好屎,你們的負面批評只會讓我繼續努力去做好自己!」。

過埋今年生日就40歲嘅Ben,比起初出道卜卜脆個樣梗係唔同晒,但係話晒咁多經歷,面上有歲月痕跡,唔出奇喎。

【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

17歲入行 冇戲拍乜都撈

中學時期袁偉豪就參加Yes!雜誌校草選舉,17歲正式入行,拍過維他奶廣告,仲同謝霆鋒拍電影《新古惑仔之少年激鬥篇》,新人嚟講機會唔少。不過後來人氣無以為繼,幕前工作越來越少,Ben一邊等機會一邊做其他工搵食,做過人體模特兒、佈置工、拍婚禮錄像、私人教練甚至市場推廣。眼見入行一段日子,2007年Ben決定參加TVB嘅「香港先生選舉》,諗住選唔到都有機會入電視台,結果大熱勝出。

【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

因為有幕前經驗,入TVB之後好快就有劇拍,2011年更加有十套劇出街。2016年嘅《城寨英雄》「牙佬」一角,令袁偉豪喺萬千星輝頒獎典禮獲得「最受歡迎電視男角色」,仲喺新加坡同馬來西亞嘅TVB頒獎禮得獎,慢慢爬上一線。不過呢兩三年擔正劇集較少,人氣有少少回落。

港姐殺手 同岑杏賢3年情玩完 再撻著張寶兒

感情方面袁偉豪同港姐幾有緣。有傳06年佢同落選港姐邱詠恩拍拖,甚至有咀嘴相流出,但Ben彼來否認。後來又有報導話曾經力追胡定欣不果,之後喺另一套劇同林夏薇戲假情真,但係好快玩完。2010年參演舞台劇《我不要被你記住》時,袁偉豪同女演員馬沛詩擦出愛火,Ben亦都公開關係,甚至去到談婚論嫁階段,但係最終都係結唔成。

【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

2013年袁偉豪同港姐岑杏賢交往,同樣有公開戀情,又係講到會結婚,不過拍拖3年後分手收場。當時岑杏賢喺IG出post暗示因為感情裡面得唔到信任同安全感,袁偉豪之後亦承認二人分手。袁偉豪喺《兩個小生去camping》提到,同岑杏賢分手後情緒低落,拍《使徒行者2》時經常搵黃翠如傾訴。

【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

殊不知單身未夠一年,袁偉豪去非洲拍《打工捱世界II》同港姐張寶兒(Bowie)撻著。Ben話Bowie參選時話自己捱得,於是揀佢參與節目,坐車嘅時候以短訊攻勢追女成功。

【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢
【袁偉豪走樣】冇戲拍做人體模特兒搵食 入行22年捱出頭 娶張寶兒買7千萬傲瀧做愛巢

呢段關係雖然惹來唔少非議,但係總算修成正果。前年佢地喺加拿大旅行時,袁偉豪求婚成功,去年11月註冊結婚,婚前2個人以聯名形式買入西貢明星屋苑傲瀧2200呎複式單位,連埋2個車位一共7000萬。有傳家境不俗嘅張寶兒得到家人幫助,豪擲4000萬首期當嫁妝!為咗買愛巢,張寶兒以「轉名」形式將本來持有的同屋苑細單位轉名俾媽咪,咁就可以同袁偉豪以「首置」名義買大屋,即慳700萬稅!

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能