袁思行過檔香港開電視 亮相《開在新聞最前線》上位速度驚人

袁思行
袁思行

無綫新聞部近年有唔少主播離巢,另謀出路發展,入職2年幾嘅「TVB新聞之花」袁思行(Cheryl)亦喺今年2月宣布離職,其後被證實過檔香港開電視。早前袁思行已經喺新聞節目現身,日前佢仲正式喺黃金時段《開在新聞最前線》亮相,明顯備受重用。

現年24歲嘅袁思行業於香港大學新聞系,2019年暑假到TVB新聞部當實習記者,同年年尾成為兼職主播,去到2020年6月畢業後正式加入TVB成為全職主播。除咗報道新聞之外,佢亦有份主持《行行有好景》及《探古尋源》等新聞台節目,更被網民封為「運動女神」。袁思行樣子甜美又感覺斯斯文文,其實佢從小已經係游泳健將,曾代表學校參加多項游泳比賽,仲經常名列三甲,而《#後生仔傾吓偈》嘅鄧伊程就係佢嘅隊友。去到今年2月,袁思行喺IG宣布離巢,當時唔少網民都留言表示不捨。早前佢已經喺新聞節目現身,日前更亮相《開在新聞最前線》,上位速度驚人!

其實除咗袁思行之外,唔少前TVB主播及藝人先後高檔香港開電視,包括梁凱寧(Maggie)、黃婉曼、林希靈、黃愷怡、林泳淘及梁茵等等。

《開在新聞最前線》截圖
《開在新聞最前線》截圖
《開在新聞最前線》截圖
《開在新聞最前線》截圖
袁思行
袁思行
袁思行
袁思行
袁思行
袁思行

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能