袁詠儀晒47歲素顏生日相 網友嘲P得太重手!

東方新地 - 娛聞
東方新地

今日是袁詠儀47歲生日,雖然又大一歲,但靚靚依舊美貌不變。老公張智霖(Chilam)就約埋成班好友,為壽星女搞咗個驚喜生日飯局!零妝容嘅靚靚上鏡依舊省鏡,但竟有眼利網友指佢P圖太重手,以致老公Chilam塊面識反光?

撰文:東方新地|圖片:instagram、微博、新傳媒圖片庫

 

袁詠儀晒47歲生日相

今日是袁詠儀47歲生日,老公張智霖(Chilam)就約埋一班好友蔡一智、薛凱琪、丁子高等,為壽星女搞咗個驚喜生日飯局!有體貼老公在此,靚靚夫復何求呢?雖未見二人囝囝魔童同場,但靚靚當然要同老公Chilam影相留念啦!靚靚素顏出鏡,但依然好省鏡,靚靚之名真係唔係浪得虛名!

Chilam攬實老婆靚靚,兩公婆依舊恩愛如昔!
Chilam攬實老婆靚靚,兩公婆依舊恩愛如昔!

被嘲老公塊面識反光

難得生日齊人,一班好友唔少得合照一留啦! 個個幾乎笑到見牙唔見眼咁,就知大家幾開心! 不過,有眼利網民就察覺大合照好似有過分被P圖之嫌,皆因靚靚、Chilam、丁子高塊面勁白之餘,仲反哂光,網友笑指令到好似塊鏡咁!

呢張望落都還好,似只係張相嘅色調有變。
呢張望落都還好,似只係張相嘅色調有變。

一睇呢張相,難怪網友會話過分被P圖嘅,Chilam同靚靚個樣都顯得非常白!不過,生日最重要都係開心要緊,壽星女滿意啲相就得啦!

大爆當年向老婆求婚過程

早排,Chilam到西灣河拍攝新戲,提到當年同老婆袁詠儀求婚過程,Chilam笑笑口話:「我懶係勁,喺新加坡酒店話送禮物畀佢,點知打開係耳環,佢有少少失望,不過我話原來仲有。諗番轉頭我笨咗,仲要買多對耳環,咁多年都未見佢戴過。」

張智霖膝下有黃金

當被問到佢求婚時有冇跪低,Chilam就話:「冇呀,男人膝下有黃金!」原來當年求婚都冇向老婆跪低,唔怪得拍戲都唔肯向杏兒跪低啦。

母親節送禮

早前母親節,見到靚靚去咗銅鑼灣一間買電話嘅舖頭,佢喺度睇咗陣,唔使五分鐘就扑搥掃咗三部Iphone X,相信佢係熟客仔,店員仲做埋人肉速遞幫手拎貨,跟住靚靚齊齊去保母車,等靚靚坐穩就將貨交畀佢!睇嚟似係靚靚買嚟送畀長輩嘅母親節禮物!

見靚靚一落車就熟路行去銅鑼灣一間電話舖,又同店員熟絡吹兩嘴,相信係熟客!
見靚靚一落車就熟路行去銅鑼灣一間電話舖,又同店員熟絡吹兩嘴,相信係熟客!
唔好以為靚靚兩手空空而回,原來有售後服務。
唔好以為靚靚兩手空空而回,原來有售後服務。
雖然只係幾步路,但係店員親自幫靚靚送貨,等靚靚安坐保母車上,就將三部Iphone X遞上,呢啲咪VIP待遇囉。
雖然只係幾步路,但係店員親自幫靚靚送貨,等靚靚安坐保母車上,就將三部Iphone X遞上,呢啲咪VIP待遇囉。
母親節
母親節

做嚴母代價大

雖則靚靚重視呢啲禮節,會氹吓長輩開心,之但係原來自己就從來冇收過阿仔魔童嘅母親節禮物,靚靚為咗教好個仔,喺屋企一直擔任嚴母角色,反而老公張智霖 (Chilam) 就係阿仔嘅yes man,所以由細到大魔童都係比較黐爹哋多啲!

靚靚、Chilam同囝囝魔童經常一家三口出動,去親旅行都三人行,唔會賣甩邊個!
靚靚、Chilam同囝囝魔童經常一家三口出動,去親旅行都三人行,唔會賣甩邊個!
魔童雖然已經11歲又手長腳長,但仍然好黐爹哋,日前去玩獨木舟兩父子就孖住玩。
魔童雖然已經11歲又手長腳長,但仍然好黐爹哋,日前去玩獨木舟兩父子就孖住玩。

 

平時又要Chilam孭住佢㖭!靚靚都係企埋一邊!

母親節
母親節

靚靚嘆:屋企只有父親節

靚靚無奈話:「做嚴母真係好慘,屋企只有父親節,冇母親節,待遇好懸殊,囝囝起身只係會搵爹哋,就算我喺正門口引佢注意,佢都只會叫『爹哋』,佢心情好嘅時候都會叫吓我嘅!唔緊要,有朝一日佢就會明白我嘅苦心。」母愛就係咁偉大,好似靚靚咁從來係無條件咁付出!

母親節
母親節
雖然靚靚自認對魔童管教嚴苛,不過囝囝上載玩花式滑板時,靚靚都有留言讚好鼓勵!
雖然靚靚自認對魔童管教嚴苛,不過囝囝上載玩花式滑板時,靚靚都有留言讚好鼓勵!
雖然靚靚自覺喺魔童心中地位不及張智霖,不過喺囝囝嘅視角拍下嘅靚靚都好溫柔,魔童仲要po上網,其實都一樣咁錫媽媽嘅!
雖然靚靚自覺喺魔童心中地位不及張智霖,不過喺囝囝嘅視角拍下嘅靚靚都好溫柔,魔童仲要po上網,其實都一樣咁錫媽媽嘅!

其實靚靚以往係有收過魔童嘅母親節禮物㗎!有相為証!

母親節
母親節
母親節
母親節
母親節
母親節


仲有魔童自製嘅環保袋,魔童仲喺上面畫上一幅畫,同寫上「I Love U」字句,超sweet!

母親節
母親節
母親節
母親節
母親節
母親節

Chilam 孖魔童放飛機

至於魔童有幾黐老竇Chilam?有片畀你睇:

陳小春靚靚Chilam 化身賭神

展開最強親子旅行團

仲有早前復活節長假,靚靚袁詠儀同Chilam帶住魔童、陳小春應采兒同囝囝Jasper、蔡一智一家以及關心妍一家三口,一行十幾人浩浩蕩蕩去泰國布吉旅行,大家一齊入住一間超豪華resort。此行同時為了慶祝蔡一智太太雪芳嘅生日,大人細路仲要有dresscode,齊齊換上花碌碌衫開party,真係夠晒熱鬧!

靚靚、Chilam、陳小春等個個拎住隻啤牌唧都唔笑扮賭神。
靚靚、Chilam、陳小春等個個拎住隻啤牌唧都唔笑扮賭神。
男子組操啤時相當認真。
男子組操啤時相當認真。


呢班明星家長陪仔女游水、飲飲食食就當然走唔甩,亦自行安排大人玩動,就係鋤啤,講到玩啤牌大家都玩得好認真,連對住對手老婆靚靚,一樣唔會鬆手,靚靚亦眼神凌厲啤實,不過之後靚靚搞笑話大家係「賭城瘋人」。

Chilam同靚靚玩啤牌時交足戲,靚靚更指大家係「賭城瘋人」。
Chilam同靚靚玩啤牌時交足戲,靚靚更指大家係「賭城瘋人」。


本來大家唔係玩開嗰堆朋友,原來今次咁難得聚,全靠中間嘅好友蔡一智精心安排,令大家聚埋一齊去旅行放鬆吓。應采兒又留言指靚靚係「傳說中比我還凶的女人,幸會幸會」。睇見大家嘅合照玩得好開心,相信呢次旅程令大家都成為咗朋友﹗

袁詠儀張智霖魔童、陳小春應采兒同囝囝Jasper、蔡一智一家以及關心妍一家三口等五家人齊齊到布吉旅行,絕對係最紅旅行團。
袁詠儀張智霖魔童、陳小春應采兒同囝囝Jasper、蔡一智一家以及關心妍一家三口等五家人齊齊到布吉旅行,絕對係最紅旅行團。
一班索媽著上泳衣排排坐,雖然本來唔太熟,相信呢次旅程後成為朋友,最遺憾靚靚未有泳衣上陣。
一班索媽著上泳衣排排坐,雖然本來唔太熟,相信呢次旅程後成為朋友,最遺憾靚靚未有泳衣上陣。
最先到達的蔡一智帶埋小朋友寫上歡迎字句,喜迎著上親子裝的Chilam靚靚一家三口。
最先到達的蔡一智帶埋小朋友寫上歡迎字句,喜迎著上親子裝的Chilam靚靚一家三口。

 

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【再創世紀】女主角鬥喊功 鍾嘉欣、楊怡、周勵淇邊個最慘?

其他內容