被人肉三文治夾實!姜濤打籃球爆衝突?

·1 分鐘文章
被人肉三文治夾實!姜濤打籃球爆衝突?

男團MIRROR成員姜濤雖然人氣爆燈,但私下生活亦相當貼地,不時被拍到去維園打籃球同做運動,今日(6日)網上瘋傳一條片段,以「姜濤在維園球場與人產生爭執,姜濤大戰惡漢」作為標題,片中一名疑似姜濤的男子,以全身黑色打扮於籃球場上攬住個籃球碌地,期間一名白衫男子飛撲埋身搶波,疑似姜濤的男子誓死攬實個波,另一位黑衣男子卻疑出腳夾住他,3男隨即扭作一團,之後白衫男就飛撲壓住疑似姜濤的男子,搞到佢狀甚痛苦,但白衫男唔罷休,索性將成個人壓落佢身上,順便搶埋佢手上嘅籃球。

突然被2個男子夾擊,慘變「人肉三文治」嘅佢當然成把火衝上頭,所以都忍唔住大聲咆哮洩憤,之後就黯然走開,圍住個籃球場行咗個圈冷靜吓!不過依照片段所見,該男子身形略胖,再加上髮型與近日的姜濤完全不同,不少網民觀賞片後後紛紛界意見,有啲話似姜濤,亦有網民為他護航,指身形與姜濤判若兩人,至於是否他真人?相信只有姜濤本人才知曉。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能