被公審呃飲呃食 林利認無力行房 住酒店避老婆

林利暗示太太有酗酒習慣,經常無理取鬧。
林利暗示太太有酗酒習慣,經常無理取鬧。

歌手林利被台灣太太在網上公審後爆婚變危機,他搬到酒店暫時「分居」,拒與太太行房的他直認「冇心冇力」,因為長期處於擔驚受怕狀態,太太每次飲醉都變「恐怖情人」!

林利與台灣太太Erin曾傳婚變,女方經常在社交網公審老公。日前她於社交網公開與老公的對話影片,疑帶醉向林利發脾氣,大罵他呃飲呃食,埋怨林利沒給她鑽戒及婚禮。林利則反罵太太經常飲醉,希望對方成熟點,並反駁太太指他呃飲呃食:「我住你家,我沒有幫你付錢嗎?」最後Erin拋下一句:「那我們到此為止!」影片隨後被刪除。

被外母持刀襲擊

林利昨日透過長途電話表示:「我都唔知佢想點?我又冇做錯啲乜嘢!佢最鍾意做呢啲(公審),最憎佢成日恐嚇話要造我新聞。」他透露東湖房子的首期是太太出錢,但他有付貸款,還幫太太還卡數,並暗示Erin有酗酒問題:「佢同啲朋友飲天光,唔天光唔返嚟!」談到2人性生活,他直指沒有愛哪有性:「真係冇力,冇咁嘅心情,處於一個警惕狀態。」他自爆日前遭患嚴重精神病的外母拿刀襲擊,要報警及到醫院治療:「外母成日要攞錢,唔畀錢話自殺又話燒屋,瞓喺度都驚!」

目前搬到酒店居住的他說:「我唔想同佢嘈,我好平靜睇化咗,我唔係好有錢,但過日子冇問題,佢話要走就走。根本係好小事,對佢仲係有心、仲愛佢,佢唔係一個壞女人。我同情佢遭遇,佢單親家庭長大,阿媽又咁,始終有影響,佢一飲醉就變咗另一個人。」他指婚姻不是兒戲,跟太太都沒提出過離婚:「等佢冷靜吓先,不過佢好大女人,唔會認錯。佢知自己唔啱,所以先刪咗條片,我搬去酒店都搬過幾次啦,每次返去佢當冇事發生。如果佢想分開就分開,我順其自然。」

林利展示被外母襲擊的刀。
林利展示被外母襲擊的刀。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能