雅虎香港新聞 Yahoo Travel HK
被情所困 洪永城避走退休勝地馬耳他？
雖然最近新聞多多，不過旅遊達人洪永城尋晚就有最新旅遊節目《退休地圖》出街。今次洪生先後到訪三個退休國家，包括南歐的馬爾他、位於中亞的哈薩克及中美洲的哥斯達尼加，為大家揭開海外退休的不同條件及各地有趣的生活故事。第一集率先介紹氣候宜人的地中海小國－馬耳他。呢個對於香港人來講聽個名都覺得陌生嘅地方， 到底有啲咩咁特別呢？今日就等我小編率先同大家預告一下啦。
馬耳他係一個氣候宜人嘅地中海小國，位於地中海中部，優越嘅地理位置令當地居民可以輕易前往歐洲、亞洲同非洲等國家，仲可以免簽證出入多個國家，護照嘅免簽指數位列全球第10位，勁過排第22位嘅香港㗎。持有人可以免簽證自由出入167個國家，其中包括所有歐盟成員國。
至於係環境方面，溫和氣候、壯麗嘅自然景色同繁榮穩定嘅社會，吸引唔少富裕家庭同退休人士到訪。馬耳他憑住完善嘅住屋制度、 合理嘅生活水平、優越醫療制度同退休福利，令佢成為廣受全球人士歡迎嘅最佳退休地方。
至於係生活指數方面，馬耳他嘅生活指數相對其他地中海國家平，一間兩房單位嘅平均柤金少於2,600歐元。
除咗呢啲嘅條件，馬耳他本身都擁有地中海國家嘅優勢，除咗有沿海嘅美麗風景，仲有歐洲小鎮寫意嘅風情，大家絕對可以考慮吓去嗰度放下假架。想再了解多D，今個星期記得留意啦！
相片來源：Tvb網上截圖
海邊景色絕對係馬耳他嘅一大賣點。
洪永城嘅旅遊節目一向貼地，親身體驗少不得。
馬耳他係好多退休人士嘅心水。
公主病港女去旅行的4大特徵 奉旨唔帶腦、手殘唔拎行李、食神上身…
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
