被打空氣針送院 谷婭溦入行12年先出碟 捱到抑鬱症 原來係星夢低調高手

·2 分鐘文章
被打空氣針送院 谷婭溦入行12年先出碟 捱到抑鬱症 原來係星夢低調高手
被打空氣針送院 谷婭溦入行12年先出碟 捱到抑鬱症 原來係星夢低調高手

尋日女歌手谷婭溦(Vivian)喺診所接種科興新冠疫苗時,護士將冇疫苗嘅空針筒插入手臂先知係「空針」,於是抽出來再注射疫苗,後來谷婭溦感到不適送院,佢話會追究到底。

打空氣針隨時冇命,谷婭溦今次冇事真係執返身彩,仲因為咁而多咗人認識呢位入行12年、但係到今年先出個人大碟嘅歌手。多年來Vivian冇咩新聞更加係零緋聞,都算係少見,查實佢身經百戰,甚至話佢係星夢最唱得嗰個都不為過。

被打空氣針送院 谷婭溦入行12年先出碟 捱到抑鬱症 原來係星夢低調高手
被打空氣針送院 谷婭溦入行12年先出碟 捱到抑鬱症 原來係星夢低調高手

谷婭溦原名叫谷微,出生於內地湖北省,父母都係教師於是家教好嚴,但係熱愛音樂嘅谷婭溦冇理會爸爸反對,考入武漢音樂學院讀聲樂。谷婭溦話當時直情要離家出走,甚至同爸爸講「一輩子恨你」,直到佢以全省第一全國第二嘅成績獲取錄,先至得到爸爸認同。後來谷婭溦更加去到美國音樂名校Berklee College of Music讀碩士。

《超級巨聲4》
《超級巨聲4》

喺參加TVB《超級巨聲4》踢館踢到贏埋亞軍之前,谷婭溦已經係選秀節目常客,19歲參加《快樂女聲》打入全國60強,22歲參加台灣《華人星光大道2》拎第4。

巨聲比賽之後加入星夢,順理成章入埋TVB,開頭由於谷婭溦唔識廣東話,於是被派去做國語娛樂新聞主持,當然唔少得唱劇集歌。不過首支廣東單曲《安守本份》因為咬字唔正被瘋狂劣評,Vivian決定苦練廣東話;後來因為工作唔多兼爸爸患癌,谷婭溦患上嚴重抑鬱症,用咗近一年先處理好。

今年TVB高層大執位,星夢話事人由何哲圖變成何麗全,好在谷婭溦有得留低仲有碟出,入行12年嘅首張專輯終於喺4月出街。上年年尾為《香港愛情故事》唱嘅片尾曲《哭牆》都有唔少人留意。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能