被網友力數兩宗罪!吳保錡狂爆粗反駁

·2 分鐘文章
被網友力數兩宗罪!吳保錡狂爆粗反駁
被網友力數兩宗罪!吳保錡狂爆粗反駁

組合ERROR成員吳保錡早前同藝人張沛樂(沙律)被爆出拍拖,負面新聞不斷爆出,尋日佢喺社交網玩直播,邊播出自己嘅MV同網友互動,點知遭到網友批評佢似八両金同埋「呃蝦條(呃女仔上床)」,令佢引唔住爆粗反擊!

網友喺下面留言。
網友喺下面留言。
搞到吳保錡扯晒火。
搞到吳保錡扯晒火。

首先有網友指佢同沙律拍拖「呃蝦條」,佢即坦言:「X你老X咩,呃蝦條,真係好X好笑,Keep住拍拖就係呃蝦條!」隨即沙律坦言:「咁呢個世界上阿爸阿媽都係呃蝦條。」之後勸對方:「算啦!算啦!」

沙律都有幫口。
沙律都有幫口。
「食沙律」令吳保錡成為男人公敵。
「食沙律」令吳保錡成為男人公敵。

留言指「沙律好食」

期間有網友講到男方似足八両金,佢隨即又爆粗叫網友要尊重別人:「知唔知八両金乜X嘢樣?我見到你個ICON,睇唔X到個樣,覺得你個樣好X似八両金!你同八両金一樣呀,有眼耳口鼻呀,你有冇尊重過我呀?八両金,我都未話你唔X尊重我!」期間,有人留言指「沙律好食」,佢又忍不住話:「好唔好食都唔關你事,係人都會拍拖!」

最後佢被問到有冇因為感情事而被公司照肺,保錡即話完全冇咁嘅事:「返學咩,你返學畀老師話就有可能!」