被罵搖滾叛徒 SM:做音樂真係要錢!

·1 分鐘文章
SM在片中自認蠢,只係識得玩音樂!
SM在片中自認蠢,只係識得玩音樂!

樂隊Supper Moment(SM)為紀念入行15周年,宣布6月26及27日假九展Star Hall舉行《Supper Moment一直相信演唱會》,內部認購火速爆滿,而門票於後日公開發售,今次不揀紅館開騷,他們坦言因疫情影響,當初不敢亂入紙申請場地,15年前首個大型演唱會就在九展起步,所以作為紀念,選擇九展。

SM近年遭網民欺凌,指摘他們為賺錢成搖滾叛徒,嘲他們只識搵人仔,他們對攻擊默不作聲,又被指是害怕、潛水,4子最難容忍是已離世的經理人Gary都畀人鬧:「我哋好對唔住Gary。」他們決定拍片清楚地一次過交代,承認遭欺凌好嬲:「一直希望用時間去證明一切,我哋好蠢,唔識玩社交媒體來經營『形象』,只識得玩音樂。」對於被批評歌曲不貼社會議題,他們說:「如果啲嘢唔啱大家議題、口味,音樂都係冇罪(o架),我都有自由做自己想做嘅音樂(o架),樂隊有商業價值,又會標籤佢哋係搖滾叛徒,做音樂真係要錢,呢兩年我哋體會到玩音樂呢條路唔易行。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能