被質疑借兒子病情做KOL 小鐵漢爸爸:絕不會消費囝囝個病搵錢

星島日報
小鐵漢爸爸指絕不會消費兒子病情。
小鐵漢爸爸指絕不會消費兒子病情。

【星島日報報道】患有先天性心臟病的3歲男童「小鐵漢Kansas」,日前順利完成第5次手術裝心臟起搏器,小鐵漢媽媽Doris在FB專頁「小鐵漢媽媽」發文,指醫生稱小鐵漢情況「Very good」,而小鐵漢爸爸Jayco在電話中聽到兒子「愛的宣言」,更激動流下男兒淚。不過兩夫婦每天更新兒子的情況,卻被質疑想搵錢做KOL,爸爸特地發文澄清「絕對唔會消費自己囝囝個病嚟搵錢!」

爸爸表示最初分享兒子病情的目的,是希望大家給予信心!「如果我太太見到我軟弱,佢就會更軟弱,所以我當時最需要嘅就係支持同鼓勵,咁樣我先可以夠力量撐起鐵漢一家!」又指兒子的病情一直反覆,非常無助,「我需要正能量支撐我自己去繼續Keep Going,那怕只係簡單『加油』兩隻字,對我嚟講都係好重要!」

除了為兒子集氣之外,爸爸仍希望透過分享兒子的病情,希望更多人關注同認識兒童心臟病,同時令所有比小鐵漢更不幸的人注入力量!「希望令所有認為自己經歷好不幸嘅人,知道原來呢個世界上有人比你更不幸,連個咁細嘅BB都咁努力生存,你其實無理由去放棄。」

至於被質疑是否想借分享兒子病情搵錢做KOL,小鐵漢爸爸則表示絕對唔會消費自己仔仔個病嚟搵錢,更大爆前幾日有知名清潔品牌願意付50萬讓他們兩父子一起拍廣告,爸爸狠狠拒絕!「而我太太個Page 小鐵漢媽媽 都只係小鐵漢嘅日記,里面亦都唔會有廣告,之前冇、今日冇,將來都唔會有。」

最後,爸爸非常感謝每一位曾經留言支持的網友及照顧小鐵漢的醫護人員,「小鐵漢一定會快快樂樂健健康康咁成長,變成無敵嘅大鐵漢!」

睇更多

你可能還想看