裕美大爆與林作閨房事 去男方屋企過夜竟然分房瞓

·2 分鐘文章
林作 & 裕美
林作 & 裕美

最近林作與富三代鍾培生嘅「百萬擂台戰」成為城中熱話,早前佢哋已經正式簽下生死狀及宣布擂台戰喺今年9月舉行。呢場拳賽花生指數爆燈,唔少人都好想知道裕美嘅看法。早前裕美接受傳媒訪問,期間除咗表示自己唔覺得有壓力,現時對負評已經睇得開,佢更大爆與林作嘅閨房事!

喺接受傳媒訪問中,裕美就話男友林作成日講鹹濕嘢,同埋外表好似好好色,但其實佢私底下對房事唔熱衷。裕美仲大爆喺閨房事上欠缺情趣,林作有時會要求裕美主動挑逗,及嫌佢唔著喱士睡衣,而裕美就會反駁話冇嫌佢個樣,所以林作唔可以嫌佢。

另外,裕美話就算自己喺林作屋企過夜,但佢哋都係分房瞓,原因係咁樣睡眠質素會好啲同埋自己年紀有返咁上下,對性嘅需求唔會太大。裕美仲話林作有一個關係非常要好嘅同性好友,所以好搞笑咁令佢一度懷疑林作係同性戀者。至於生育計劃嘅問題,裕美同林作就非常唔一致,林作唔想生下一代,而裕美就好鍾意小朋友,所以佢有計劃喺40歲之前做人工受孕,甚至選擇領養小朋友。

林作 & 裕美
林作 & 裕美
林作 & 裕美
林作 & 裕美
林作 & 裕美
林作 & 裕美
林作 & 裕美
林作 & 裕美

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!