車Cam直擊：Tesla女司機油門當腳掣 釀6車相撞後衝上行人路

【on.cc東網專訊】西環發生6車串燒車禍。今午(9日)15時47分，1輛黑色Tesla電動車，沿正街往干諾道西方向駛至18號對開，Tesla姓鄺(60歲)女司機聲稱抽頭閃避路邊車輛時，誤將油門當腳掣，致車輛急速衝前，連環撞及前面多輛私家車，並釀成6車連環相撞。Tesla撞毀消防栓後衝上行人路，幾乎撞及肉檔，其車頭泵把脫落。另1輛白色政府七人車亦衝上行人路，險衝入一間凍肉舖，途人見狀紛紛報警。

據車Cam片段顯示，Tesla事發前停泊路邊，但突然加速向左衝，撞向前方的黑色私家車及左邊政府七人車後，繼續衝前撞及另一輛私家車，七人車隨即與Tesla一齊衝上行人路。出事時，Tesla正閃動死火燈，現場亦傳出響號聲。

消防接報到場協助車上各人離開，警員封鎖現場調查。其中1名私家車姓張(57歲)女乘客報稱不適，由救護車送院治理，意外原因有待調查。肉檔姓黃男職員表示，若果沒有兩輛私家車及水龍頭擋住去勢，他將首當其衝遭Tesla撞倒。事後，他頻稱好彩，並指「我依家個心仲好驚，腳都軟埋！」

另一名目擊市民劉先生稱，當時聽到巨響，轉頭察看時已見出事。他估計當時Tesla以100公里時速衝落斜路，但正街好窄，兩邊亦有肉檔、菜檔，好多人，當時前面的交通燈位有好多車停下等候轉燈，Tesla突然失控撞開啲車，再失控衝上行人路險撞肉檔。

【更多即時新聞詳情請上東網新聞】

【相關搜尋】深井女司機追撞男友人