雅虎香港新聞 【西環美食】為朋友開素食餐廳？新派素食靠手工將食客變熟客
每一間餐廳的背後都有不同的故事，有人是因為繼承父業而接手餐廳；有人是為了興趣而毅然轉行；亦有人為了追尋夢想而開店。最近在堅尼地城新開了一間素食餐廳，開店的原因竟然是「希望可以同朋友舒舒服服咁食餐飯」？
【立即讚好】全新 Yahoo Food Facebook 專頁
為了能夠一班朋友吃飯而開店
「其實我諗素食人士一定有試過出街食飯要遷就人或者比人遷就，對佢哋黎講根本無隨便食啲野呢回事」餐廳老闆之一的呀傑表示，「我哋正正就係咁，因為其中一個拍檔嘅太太係素食者，但我哋唔係素食者，所以每次聚會個時都要諗一諗去邊到食。有見及此，我哋係到諗如果有一間餐廳可以令到素食者與非素食者可以一齊享受食物，提供嘅素食係連唔係食開素都覺得吸引嘅，所以就有呢間餐廳出現，希望做到一個落腳點俾大家可以一齊分享美食，唔駛大家互相遷就咁煩惱」。
因為一個理念而促使了三位合伙人開店的構思，雖然他們三人一直在大型飲食集團中的前線工作，但是西式素食並非他們過往所接觸的菜式，所以他們用了無數個晚上去研究食材與練習，終於在今年九月開張，成為了區內唯一一間全素的西餐廳。「簽約之後其實好驚，因為一簽完約第二日就爆發第三波疫情，好驚一開店就無客，而且我哋三個都唔識Marketing同PR，都唔知點樣宣傳間店。幸好開店至今兩個月都受到區內朋友支持，而且重有唔少熟客再次光顧，已經好感恩」。
素食比拼的是心機與手機
過往大眾未必懂得欣賞素食，都會好奇為何食素價錢都會不便宜，但是這個疑問絕對不會在這間餐廳出現。「如果入到餐廳只係食幾片菜當然貴啦，但係我哋要做到素食比起肉更加好食，所花嘅心思同功夫真係唔少。以肉醬為例，為咗令素肉醬做到比起傳統肉醬更加好食，除左用左新豬肉外我哋亦加左素牛肉以及唔同嘅印度香料去調較，務求令素肉可以係口感丶香味丶味道同色澤上超過普通肉醬，令客人感受到我哋手工嘅價值」。坦白而言，小編認為這個素肉醬的質素比起市面不少的真肉醬更加出色，味道濃郁之餘亦帶有平常吃肉的那種滿足感，絕對是令食客充滿驚喜，連自稱「食肉獸」的小編都吃光了一整盤。
而餐廳另一款招牌菜式就是準備時間需要花費近三天的「豆腐英雄」，亦即是豆腐漢堡。先把新鮮的豆腐抽乾水份後再拌上其他材料後再吹乾，之後再雪藏後沾上炸漿後才能夠去油炸再入焗爐內烘焗。製作過程雖然漫長，但是卻獲得食客的一致讚好。一切開漢堡時可以看到流心的松露芝士餡料，令人食指大動，一切的辛苦都值回票價了。
由過往做連鎖飲食集團改為自己開店，壓力當然不是普通的大，但滿足感卻是他們最大的收獲。曾經試過有食客要求與主廚見面並大讚菜式，這些都是過往在連鎖集團不會感受到的。「得到食客的肯定係作為一個廚師最大的滿足感，亦係令我哋不斷進步的動力，希望令食客覺得物有所值之餘亦覺得好食」。
全新訂座平台「Yahoo訂餐廳×Openrice」正式上線！
素菲亞
地址：西環爹核士街28-32號安發大廈地下C號舖（地圖按此）
營業時間：11:00am-9:00pm
更多西環美食推介
【西環Cafe】IG洗版西營盤Cafe！異國橙紅色設計小店歎牛角包窩夫
【西環美食】滷味老店二代棄做會計繼承父業 潮州滷水鵝都可以做網店外賣
【西環美食】海鮮批發第三代開海鮮餐廳！平民價品嚐酒店級數海鮮
【西環Cafe】4個90後開環保咖啡店！可分解外賣杯/咖啡渣再造杯/減碳本地炒豆
【西環好去處】3大市區郊遊秘景！摩星嶺配水庫臨時花園大草地＋觀瀾亭賞日落
