西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳

·5 分鐘文章
西環有不少新店,最近西營盤就開了一間打卡食飯兼備,主打意大利手工意粉的西餐廳。
西環有不少新店,最近西營盤就開了一間打卡食飯兼備,主打意大利手工意粉的西餐廳。

意大利菜無論是手工意粉、薄餅還是甜品都深得港人歡心,西環西營盤Casa Cucina & Bar亦是看中這點,因此無懼疫情開了間樓高三層的意大利菜餐廳,大廚兼老闆曾到美國二星餐廳學藝,水準有保證,但原來這一切中,還有個追夢的小故事!

【立即讚好】全新 Yahoo Food Facebook 專頁

30歲前赴美追夢 望西環店帶出家的感覺

「如果我30歲都繼續做落去,我之後條路就轉唔到。」Casa Cucina & Bar老闆兼大廚Anthony Cheung說,他在外國讀書畢業後,回港後進入會計行業,「我以前喺外國讀書時,都係自己煮嘢食,一直都好想再深入鑽研。」因此在30歲那年,他辭了職,買了張單程機票去紐約,開展自己的學藝生涯。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
Anthony為了夢想,買下單程機票去美國學藝,今日終於在西環西營盤開到Dream Restaurant。

幸運又努力的Anthony一開始就進入紐約米芝蓮二星餐廳Jean-Georges實習,「其實呢啲米芝蓮星級餐廳,時不時就會請人,所以我就喺嗰度等,同時間仲有個外國人同韓國人一齊Training,最後得我留到喺度。」在美國的日子,Anthony除了晚上到餐廳實習,早上還去紐約廚藝學院The International Culinary Center上課,絕不偷懶。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
小食拼盤 $188 包括番茄麵包、水牛芝士跟風乾火腿火箭菜卷,是道簡單開胃的經典前菜。
西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
帶子薄片 $108 選用北海道帶子配些開胃的菠蘿、柚子跟橄欖油,賣相討好。

回港後,他去到香港置地文華東方酒店、米芝蓮二星法式餐廳Amber工作4年,但一直學習法國菜的他,卻決定Casa Cucina & Bar主打的是家庭式意大利菜,「法國菜係很複雜,意大利菜相對直接簡單,著重食材原味。Casa喺意大利文嘅意思係家,我希望喺疫情後,大家嚟到Casa聚會時,都有種家嘅感覺。」Anthony續說。

三層高西營盤意大利餐廳 手工意粉最緊要皮薄餡靚

Casa樓高三層,地下是酒吧跟寵物共享的戶外空間,二樓設兩個開放式冷熱盤廚房,最上一層是用作聚會的私人空間。在冷盤廚房中,食客可以欣賞到大廚製作手工意粉,「手工意粉個個食譜都差唔多,但自己整就可以控制到個厚薄同手感。」Anthony說,但手工意粉甚花時間跟功夫,好像招牌之一的牛尾意大利雲吞,必需做到皮薄餡靚,鎖到汁時又不會過份軟腍,少一點經驗都做不到。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
餐廳位於西環西營盤,空間感大,相當適合打卡。
西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
牛尾意大利雲吞 $188

先將牛尾煮5至6小時,加入焦化牛油(Brown Butter)、巴馬火腿、牛尾汁等作醬汁,醬汁再用麵包沾着吃就最好不過。

雖然Anthony學法餐出身,但他表示歐陸餐都是以法餐作為基礎,因此處理意大利菜時難度示大,反而他亦會加入一些法國餐原素,「意大利菜好鍾意用橄欖油,但有時我會覺得橄欖油會略帶苦澀味,所以我都會加入法國常用嘅牛油,令到菜式更加香。」他說。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
意式煮鱈魚 $248 黑鱈魚煎的香口美味,蕃茄酸甜開胃,值得一讚是多士也焗得香脆可口,單吃也不會怕乾。

比起意大利菜的農村美,Anthony亦加入一些小巧思,菇味濃郁的蘑菇燴飯就是其中一樣。先將意大利飯變成菠菜,再加入圓潤的蘑菇泡沫,「法餐好多時都會用泡沫,但我想個泡沫實身少少,所以加咗少少薯蓉。」吃起來比起平日的意大利飯更具層次。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
蘑菇燴飯 $150 吃起來相當清新,再拌上蘑菇泡沫,更加惹味。
西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
鮮魷 $188 將Puntalette米意粉煮至半熟,再加入蟹肉跟日本海膽忌廉,最後再加入慢煮70度的鮮魷當中。

但說到最驚喜的,不得不提意式豆腐奶凍,「一直都想整一啲純素甜品,咁就諗到用豆腐,但一直都唔成功,最後都係加咗少少忌廉,點知出嚟個效果咁好。」但比起豆腐,當中的精髓更是完美詮釋何為家,「我用咗傳統豆腐花嘅黃糖加埋豉油,去做一個好似拖肥嘅醬,食起嚟比起比起海鹽多了種發酵味。」能外出的日子遙遙無期,有些人無法回家探望至親,與愛人分隔異地,希望這間意大利菜餐廳能給你一點安慰,帶來家的感覺。

西環美食|手工意粉推介!西營盤三層意大利菜餐廳 大廚赴美兩星餐廳學藝回港開餐廳
意式豆腐奶凍 $58 以新鮮豆腐,加上黃糖及豉油製成,由於減少用魚膠粉,存放期只有一天。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

Casa Cucina & Bar

地址:西環西營盤干諾道西158A號均益大廈3期地下8-9號舖(地圖按此

電話:2887 9666

營業時間:星期二至日 03:00pm-10:00pm

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多西環美食推介

西環美食|澳洲越南粉過江龍Eat Fuh開外賣店 必食超濃味燉牛肉Pho/$98風乾4小時越式燒雞

西環美食|西營盤CP值超高潮州人粉麵店!必試蝴蝶腩黃喉湯米、鮮牛肉胡椒豬肚湯米

【西環美食】小店大廚自願減薪做埋樓面 老闆靠啲咩令員工共度難關?

【西環美食】素食fine dining餐廳玩轉視覺 香煎素鵝肝/威靈頓牛柳

【西環美食】三個90後同學創業賣台式料理 必試$33紅豆仙草芋圓

【西環美食】為朋友開素食餐廳?新派素食靠手工將食客變熟客

【西環Cafe】IG洗版西營盤Cafe!異國橙紅色設計小店歎牛角包窩夫

【西環美食】滷味老店二代棄做會計繼承父業 潮州滷水鵝都可以做網店外賣

【西環美食】前老闆轉手後繼續留守 留住食客最強武器係……

【西環美食】海鮮批發第三代開海鮮餐廳!平民價品嚐酒店級數海鮮

【今晚食乜好】唔知今晚食乜餸?立即去Yahoo Food 食譜專頁搵靈感

>>按此下載<< 全新Yahoo APP,領取最新餐廳優惠、氣炸鍋食譜、自助餐優惠,仲有飲食達人教你識煮識食,讓你成為真正全面的美食家,仲唔立即下載?