【西環美食】高質平民日本壽司店!12件手握壽司只售$148?

·4 分鐘文章
【西環美食】高質平民日本壽司店!12件手握壽司只售$148?

【西環美食】高質平民日本壽司店!12件手握壽司只售$148?

香港人對於壽司的要求愈來愈高,近年不單有不少新的鮨店開業,更有不少日本著名連鎖店到港開設分店,引來一股熱潮。而在香港,其實亦有不少平民的日式料理店,雖然價錢親民但是性價比極高,食客更一致認為比日本連鎖店的香港分店優秀更多。

【立即讚好】全新 Yahoo Food Facebook 專頁

老闆剛師傅(左)及一眾壽司師傅
老闆剛師傅(左)及一眾壽司師傅
「鮮壽司」$148 – 有12款精美的手握壽司
「鮮壽司」$148 – 有12款精美的手握壽司

餐廳由五個座位開始打出名堂

餐廳老闆之一的剛師傅自幼就在西環長大至今,20年前已經開始日式料理的生涯,跟隨多名日籍師傅學習和食與壽司的技巧。除了要由低做起接受嚴厲的培訓外,更加要犧牲自己的休息時間去磨練技巧。「日籍師傅唔會主動教你基本功,佢哋主張你自己偷師,邊做邊學。所以落場嘅時候我就會自己去練習點樣煮玉子燒丶炸天婦羅同埋各種技巧。」

海膽
海膽
 大拖羅
大拖羅

磨練多年後,終於在2009年與朋友共同開設活一鮮的第一間店。「當時本身個舖位係魚蛋檔,我哋頂咗個位之後,餐廳都只係得五個座位。因為當時西環無壽司店,所以我哋都用咗好長時間先令到街坊接受到壽司呢種食物。做咗一段時間後受到大家嘅支持,就轉咗呢間較大嘅舖位」。由當初小店內只有兩名的壽司師傅到今日近十位的壽司師傅,見證著餐廳不斷的努力與成長。

小編最愛鮮甜的赤貝!
小編最愛鮮甜的赤貝!
餐廳自家製的玉子燒
餐廳自家製的玉子燒

雖然近年愈來愈多日本壽司店到香港開業,但剛師傅坦言餐廳主打街坊客,而且食物性價比高,所以絕不擔心。以壽司為例,一客12件的壽司套餐包括海膽丶珍實甜蝦丶蟹羔丶帆立貝等高級壽司,竟然只售$148?而且質素相當優質,食材新鮮鮮甜,絕對有誠意。玉子燒更加是餐廳新鮮自製,絕非坊間一些採用工廠式生產的玉子燒可以媲美。

剛師傅
剛師傅
赤崎真蠔 ($58/隻)
赤崎真蠔 ($58/隻)

如果你以為平民餐廳就等於食材參差的話,小編可以保證這裡的食材絕對令人感到驚喜。新鮮的赤崎真蠔不但肉質飽滿而且蠔味濃郁,配上自家調製的醬汁突顯了蠔的鮮甜。而燒拖羅筋更加是小編最愛的下酒菜式,把新鮮的拖羅筋切出來後火燒,外表焦香而內裡依然柔軟且充滿油香,配上一口清酒簡直是絕配。不過由於部位稀有且貨源不穩定,所以餐廳只能不定期地推出。

餐廳限定 – 燒吞拿魚筋
餐廳限定 – 燒吞拿魚筋

人情味連繫員工

經營日式料理店自然要面對「保證食材新鮮」這個考驗,例如歐洲火山灰導致挪威三文魚供應下降以及福島核幅射事件,都對餐廳的貨源及食客對食物的信心產生嚴重打擊。幸好,在剛師傅及大眾廚師的嚴密把關下,餐廳的食物最終贏得街坊們的信心,成功捱過低谷。

 水牛芝士燒海膽大蝦($68)
水牛芝士燒海膽大蝦($68)
燒日本松葉蟹羔($58)
燒日本松葉蟹羔($58)

餐廳有一群專業又忠誠的員工,剛師傅亦對他們相當照顧。例如早前因為社會運動交通受阻,剛師傅亦不會強迫員工上班。而所有能夠回到餐廳上班的同事,剛師傅會在下班後安排交通公具去送員工回家,保障員工安全。「所有員工都係一家人,最重要佢哋收工可以安全翻到屋企,所以我會幫佢哋Call埋車翻屋企」。這一份員工及老闆之間的人情味亦感染到食客之中,令每位食客用餐完畢後都流露出滿足的表情。「對我嚟講,食客食完好滿足嘅樣同講一句多謝,就係我最開心嘅事!」

三文魚葉包卷 ($48)
三文魚葉包卷 ($48)
油甘魚鮫野菜紙鍋
油甘魚鮫野菜紙鍋

相關文章

【西環美食】家庭式經營小店:張三!街坊價食酒店級高質西餐

【西環美食】 超隱世日式居酒屋!食串燒都可以食得健康?

【西環美食】西環café自家製無麩質蛋糕!手沖咖啡+純素蛋糕+伯爵茶蛋糕

活一鮮

地址:西環石塘咀皇后大道西503號地下(地圖按此

營業時間:12:00pm-10:00pm

今晚食乜好?即睇最強雞翼食譜、牛油果食譜合集

想知最新飲食資訊?按此觀看Yahoo Food編輯推介

【有好東西分享?】立即去Yahoo Food Facebook 專頁投稿/片