見林德信嗒晒糖 伍詠薇試菜其次 「品仔」最實際

·2 分鐘文章
伍詠薇讚林德信靚仔又溫柔,絕對是筍盤。
伍詠薇讚林德信靚仔又溫柔,絕對是筍盤。

伍詠薇昨日為無綫煮食節目擔任嘉賓,出名鍾意𥄫靚仔的她,對型男林德信嗒晒糖,大讚對方靚仔又溫柔,笑言試菜只是頭盤,「品仔」才是主菜。

女星伍詠薇(伍姑娘)、周汶錡、型男林德信(Alex)、伍允龍、李創偉與「聲夢學員」張馳豪等,昨日到將軍澳電視城擔任鄭裕玲與王菀之主持的無綫節目《男神廚房》嘉賓。伍姑娘甫見Alex即兩眼發光,大讚對方靚仔、溫柔又懂得下廚,期待他在節目中表演瑜伽,她說:「佢嘅『配套』咁好,一定好多女粉絲,絕對係筍盤!佢煮嘢真係唔難食,加上靚仔有型,當然會加分。」

唔使用氧氣筒

伍姑娘笑言今次試菜只是其次,「品仔」才最實際:「今次就唔使用氧氣筒,我已經去到另一個層次,同埋呢啲都係節目效果嚟啫。(會唔會幫手煮?)我都唔識煮嘢嘅,之前上《美女廚房》,我簡直係地獄中嘅地獄廚神,破晒地獄呀!」

Alex預告炮製鹹魚白菜及慢煮梅菜三文魚,是經常煮的拿手菜式:「今次煮嘢食係有啲壓力嘅,平時喺屋企靜靜哋一個人煮,但係今次有咁多嘉賓,又有評判睇住係會有啲緊張,其實最難係掌握分量。」他坦言以往甚少為女友下廚,但試過要煮給7、8個女仔吃,最後選擇較容易掌握分量的BBQ烹調方式。

李創偉(左起)、張馳豪、林德信與伍允龍鬥廚藝。
李創偉(左起)、張馳豪、林德信與伍允龍鬥廚藝。
王菀之(左起)、鄭裕玲、伍詠薇與周汶錡均對食物有要求。
王菀之(左起)、鄭裕玲、伍詠薇與周汶錡均對食物有要求。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能