規定所有顧客必須戴口罩 英國小店被評「全國最不受歡迎」
大家都戴咗口罩差不多近兩年,大家出街理所當然都會戴口罩,而商店外大部分都表明必須戴口罩先可以進入;不過相信大家都明白於外國疫情雖然比香港嚴重,但似乎仍然唔喜歡戴口罩,例如英國,街上戴口罩嘅人反而先係異類。
近日英國有單新聞更加係令香港人完全估唔到,就係位於英國約克郡及赫爾之間嘅小鎮,一所名為North Cave News嘅雜貨店,居然被政客放上社交網站,被評為「全英國最不受歡迎商店」,原來雜貨店自上年疫情開始就自製好多單張貼於門外,寫明顧客必須戴口罩先可以進入,於香港似乎係理所當然,但原來於英國引起唔少討論。好多人都話雜貨店侵犯人身自由,因為法律都無話一定要戴,更多人更話雜貨店無視顧客任何理由,例如有氣喘等問題,非常不負責任。不過店主就強調自疫情開始小店都從未休息,為大家搜羅生活用品,而戴口罩只係保障長期顧客健康,等佢哋買得放心呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: