視帝意外失「手」 郭晉安連摑陳煒4巴 內疚認錯

陳煒當然唔會怪郭晉安啦!
陳煒當然唔會怪郭晉安啦!

藝人陳煒在無綫新劇《回歸》慘遭郭晉安在無預警下掌摑,身為視帝又是前輩的安仔坦言對陳煒感到抱歉,同時又覺得在後輩周嘉洛和吳偉豪面前犯錯很難堪,捱摑的陳煒卻表示:「從來冇怪安仔,大家太投入了!」

7月11日首播的無綫劇《回歸》,男、女主角郭晉安和陳煒演一對夫妻,當中有不少細膩感情演出,其中一場在法庭外掌摑陳煒的戲份卻發生意外,安仔對自己犯下這個錯誤大感內疚,自覺令陳煒受委屈。

身為視帝又富演出經驗的安仔很愧疚,受訪時坦言:「我摑咗煒哥4次,當中有NG就唔關我事啦,但第一巴其實係唔需要,因為我出錯,煒哥都未講完對白,我就摑咗落去,當時大家都呆咗,問我搞咩?我真係好難為情呀……唔知點好,仲要喺兩位後生演員面前犯錯!」

陳煒:我係受委屈嘅!

陳煒事後受訪,表示不會怪責拍檔:「我係受委屈嘅,不過係劇情啫,唔關佢事,我梗係唔會怪安仔啦!大家當時都好投入,其實摑之前安仔都好驚我會痛,但我叫佢唔使擔心,反而係第一巴我未講完對白就摑落嚟,有啲意外,所以個反應就最真實!」除了這個無預警的巴掌外,陳煒劇中因有不少被安仔誤會的戲份而有多場喊戲,令觀眾看得虐心,看來其真情演出,大可挑戰年底的視后寶座!

郭晉安兜巴摑陳煒,睇見都覺得痛!
郭晉安兜巴摑陳煒,睇見都覺得痛!
陳煒拍喊戲流出大大滴眼淚,夠晒入戲。
陳煒拍喊戲流出大大滴眼淚,夠晒入戲。